28 нче июнь көнне хөрмәтле директорыбыз Рәшит Габдрахман улы зур юбилеен билгеләп үтә.

Рәшит исеме- туры юлдан баручы, батыр, кыю, зирәк  дигән мәгънәне белдерә.
Ныклабрак уйлап карасаң, бу сыйфатлар гел сезнең холык хакында әйтелгән сыман. Чөнки сезнең гаиләдәге һәм җәмгыятьтәге урыныгыз, дәрәҗәгез, янәшәгездәге кешеләр – барысы да сезнең төпле фикерле,акыллы, кыю кеше икәнегезне раслый. Ул гына да түгел тәрбияле, акыллы, чибәр ике кызның әтисе булуы сезнең сабыр һәм чыдам икәнегезне дә күрсәтә. Остәвенә, без сезне ярдәмчел, олы җанлы, шаян күңелле, башкаларга үрнәк кеше буларак та беләбез. Шуңадырмы, бүгенге бәйрәмегездә сезгә теләкләрнең иң гадиен, иң изгесен чын күңелдән килә юллыйсы. Саулык сезгә, сәламәтлек, бәхет, шатлык, куанычлар, тормыш иптәшегезнең гаилә җылысына сыенып, балаларыгызның кадер хөрмәтен тоеп, озын гомер иясе булып яшәвегезне телибез. Эшегездә тагын да зур үрләргә менеп, Рәшит исеменең мәгънәсен бер дә югалтмыйча, киресенчә, тагын да баетып, тагын да камилләштереп балаларыгызга  үрнәк булып калуыгызны телибез.
Иң изге теләкләр теләп Бәркәтә урта мәктәбе коллективы.