Җир йөзендә   меңнәрчә чәчәкләр, аларның һәркайсының  үз характеры, үз тарихы, үзенең әкияте. Бу  әкияти патшалыкның барлык серләрен ачып бетерергә кешелекнең вакыты җитмәс , мөгаен.  Ә менә беренче яз чәчәкләренең серләрен аларны саклап кына ачып булыр иде.                                               Чынлап та, бу матур , назлы чәчәкләрнең җир йөзеннән юкка чыкмавы өчен, яз көннәрендә безнең күзләребезне  шул чәчкәләр шатландырсын өчен бик күпләрнең тырышлыгы кирәк. Һәркем урманнарда аларның чәчәк атуын бер могҗиза итеп кабул итсен, шул могҗизаның киләчәк буыннарда да соклану хисләре  генә уята алуына ирешсен иде. Табигать  белән аралашу культурасы булдыру кече яшьтән үк мәктәп, гаилә, җәмәгатьчелекнең  бергәләп эшләве нәтиҗәсендә  генә мөмкин.  17 апрельдән  Республика территориясендә “Беренче чәчәк – 2017”  операциясе башланды. Татарстанның Кызыл Китабына кертелгән сирәк очраучы беренче язгы чәчәкләрне өзгән өчен административ җаваплылык каралган. Язгы чәччәкләрне өзгән өчен , саткан өчен гражданнарга  2000 – 4000 сум күләмендә, юридик затларга – 100000 – 200000 гә кадәр штраф  салынырга мөмкин.