9 июнь “Кояшкай” лагерендә хезмәт көне итеп уздырылды. Бүген “Табигать –яшел аптека” темасына  әңгәмә үткәрелде. Болынга экскурсиягә баргач дару үләннәре җыйдык. Көннең икенче яртысында “Табигать могҗизалары” дигән темага пластилиннан иҗади эшләнмәләр әвәләдек. Иң матур эшләнмәләргә призлы  урыннар бирелде.

8 июнь “Кояшкай” лагерендә экология көне итеп уздырылды. Бүген “Саклап калыйк җирне мәңгегә” темасына экологик әнгәмә үткәрелде. “Чүп-чар патшалыгы белән көрәш” дигән темага иҗади рәсемнәр ясадык.Көнебез бик файдалы һәм күңелле үтте.

Лагерьда  бүгенге көн тулысы белән спортка багышланды. Балалар  спортзалда  ГТО нормалары тапшырдылар. Саф һавада хәрәкәтле уеннар уйнадылар.

Бүген көн бик матур ,кояшлы булды. Көндәгечә иртәнге линейка,зарядка уздырылды. Иртәнге аштан соң болын буйлап сәяхәткә кузгалдылар. Болында дару үләннәре белән таныштылар, чәчәкләрне күзәттеләр. Бераздан “Минем беләсем килә” дигән темада телетапшыру башланып китте. Тапшыру күбәләкләргә багышланган иде.Күбәләкләрне күзәтү тагын да кызыклы һәм мавыктыргыч булды. Тәрбиячеләр күбәләкләрнең төрләре, аларның ерак бабалары турында сөйләделәр, кроссвордлар чиштерделәр, табышмаклар әйттеләр. Көннең икенче яртысында “ Байлыкның башы тазалык” дигән темада әңгәмә уздырылды. Балалар күтәренке күңел белән өйләргә таралдылар.