Китапханәче Салимгараева Р.В. тарафыннан 1-3 класслар өчен "Кошлар безнен дусларыбыз" дигән темага китаплар һәм рәсемнәр күргәзмәсе оештырылды. Кошларга багышланган презентация каралды

Өченче иң озын, чирекне дә уңышлы гына тәмамладык. Каникуллар башланды, ура! Ләкин каникулларда өйдә ял итеп ятып кына булмас алда смотр концерты,алда экзаменнар, шуңа күрә мәктәптә бүген дә тормыш гөрли. Шулай да, балалар дүртенче чиреккә тотынганчы, көч җыегыз, ял итегез, һавда йөрегез 

Агымсулар кичтем мин,

Сезгә килеп җиттем мин,

Нәүрүз әйтеп үттем мин

Нәүрүз мөбәрәк булсын.

Нәүрүз бәйрәме җыр-бию, уеннар белән күңелле үтте. Нәүрүз артыннан каргаларҗибәргән ботка белән сыйландылар балалар.

2-3 сыйныф укучылары бүген "Урман көне" үткәрде. Бу бәйрәмгә әзерлек инде атна буе барды. Укучылар рәсемнәр ясадылар, җырлар өйрәнделәр. Шушуы әзерлек нәтиҗәсе буларак бәйрәм бик күңелле  һәм эчтәлекле узды. Табигатьне саклау ул -Ватанны саклау дигән сүз. Ә безнең Ватаныбыз - Татарстан дигән рухта тәмамланды бу бәйрәм.

Беренче сыйныф укучыларының бүген зур бәйрәме. Укытучылары Валиева З.Р. әти - әниләрне бәйрәмгә чакырды. Мәктәпнең иң кечкенә укучылары бүген әлифба китаплары белән саубуллашып туган тел китапларын кулларына алдылар, күңелле җырлар җырладылар. Бәйрәм азагында әти - әниләр укытучыга , балаларга рәхмәт сүзләре әйттеләр. Бәйрәм чәй янында дәвам итте.

6-11 сыйныф укучылары дәресләрдән соң мәктәп территориясен кардан арындырдылар. Укучылар тарафыннан бик күп файдалы эш эшләнде

Бүген мәктәбебез егетләренең "Пограничниклар" командасы Чүте мәктәбендә "Зарница" уенында бу мәктәпнең "Искра" командасы егетләре белән очраштылар. Егетләр стройда йөрү, автомат һәм противогаз белән эш итү алымнары, футбол уенында көч сынаштылар һәм очрашу Шалты командасының җиңүе белән тәмамланды. 

Җиңүнең 70 еллыгына багышлап  "Сез кайсы халыктан? -дисәләр, Батырлар исемен атадым." исеме астында узган район шигырь укучылар бәйгесенә мәктәптә уздырылган бәйге җиңүчеләре 6 сыйныф укучысы Салахова Э һәм 11 сыйныф укучысы Латипов А. бардылар һәм бәйгедән 1 нче һәм 2 нче дәрәҗәдәге дипломнар алып кайттылар.  

5-? сыйныф укучыларының әни һәм әбиләре бүген мәктәбебез кунаклары булдылар. Бүген мәктәптә "Ана һәм бала" дип исемләнгән бәйрәм кичәсе үткәрелде. Әни һәм әбиләргә матур сүзләр әйтелде. Укучылар тарафыннан әзерләнгән концерт номерлары күрсәтелде. Бәйрәмдә әниләр дә үзләренең сәләтләрен күрсәттеләр. Бәйрәм азагында табын янында күңелле итеп ял иттек.