Туган тел көне уңаеннан бүген мәктәптә "Минем гаиләм" презентацияләр бәйгесе узды. 5-11 нче сыйныфлар көч сынашты. Безне сөендергәне шул булды: тапшырылган эшне укучылар күңел биреп башкарды. Бәйгенең җиңүчесе итеп 6 нчы сыйныф укучысы Кашапова И.Р. билгеләнде. 

Бүген 11 нче сыйныф укучылары кл. җитәкчесе Канипова Ф.Н. белән тыл ветераны , мәтәбебезнең күптәнге дусты Фаррахова Мөгелсем апага янә кунакта булдылар. Укучылар белән Мөгелсем апа арасында инде күп еллар бик яхшы мөгалимә урнашкан. Балалар аңа хуҗалык эшләрендә ярдәм итәләр, әбинең матур киңәшләрен тыңлыйлар, алып барган күчтәнәчләре белән бергә чәй эчәләр. Бүгенге очрашу да шундый ук җылы атмосферада үтте.

20-27 нче апрельгә кадәр Татарстан Республикасында "Язның яхшылык кыл!" атналыгы уза. Атнаның һәр көнендә төрле темаларга багышланган чаралар үткәрелергә тиеш "Дуслык көне", "Яхшылык кыл" һ.б.

Учащиеся 1-3 классов с библиотекарем Салимгараевой Р.В. смотрели презентацию про Ю.А.Гагарина и узнали про космос.  Юрий Алексеевич Гагарин он и был первым человеком, который собственными глазами увидел, что Земля действительно круглая, действительно большей частью покрыта водой и действительно великолепна.  

Бүген 9-11 сыйныф укучылары мәшгүльлек үзәге вәкилләре б-н очраштылар. Кунак укучыларның киләчәккә планнары б-н кызыксынды. Уку йортлары вәкилләре б-н очрашуга чакырды. Укучылар анкеталар тутырдылар. Кайсы ВУЗ вәкилләре б-н очрашырга теләүләрен белдерделәр. "Мөмкин кадәр күбрәк уку йортлары вәкилләре б-н очрашырга иде" дигән теләк белдерделәр.

Мәктәпне тәмамлаучы укучылар бүген Баулы шәһәре агроколледҗнан килгән вәкилләр белән очрашты. Кунаклар колледҗ турында бик күп кызыклы материаллар алып килгәннәр, 9 сыйныф егетләрен озакламый үткәреләчәк ачык ишекләр көнендә катнашырга чакырдылар.

Бүген -Халыара сәламәтлек көне. Дәреләр алдыннан бу көн турында игълан ителде. Сәламәт яшәү рәвеше нәрсә ул? соравына җавап эзләнде. Сәламәтлек - кеше өчен иң кадерле, иң кыйммәтле байлык. Аны саклау, озын - озак еллар сәламәт булып яшәү - үзебезнең кулда- дигән нәтиҗәгә килделәр.

Тышта яз. Кошлар кайта башлады. Беренче сыерчыклар тавыш бирә. Кунаклар кайтуга укучылар Алмаз Азатович җитәкчелегендә сыерчык оялары ясадылар. Яхшы дип табылган бер оя район конкурсына да җибәрдек һәм 6 сыйныф укучысы Кашапова Илизаның эше 3 урынны алган. Әфәрин Илиза.

5-7 сыйныф укучылары көче белән "җыр булып яшисез күңелләрдә"дип исемләнгән әдәби кичә узды. Бу тамаша фронтовик язучыларыбызга багышланган иде. Укучылар сугыш кырларында батырларча сугышкан, фашист пленында иза чиккән әдәбиятчыларыбызның шигырьләрен укыдылар, әсәрләрен сәхнәләштерделәр, җырларын җырладылар.

Китап -  киңәшчең синең,

Дустың,ярдәмчең синең.

Ул хөрмәткә бик хаклы,

Кадерлә син китапны.

Халыкта"Китап – белем чишмәсе","Китап – кешенең дусты"дигән мәкаль-әйтемнәр бар.Китап кешедә күркәм сыйфатлар тәрбияли,дөньяны танып белергә булыша.Әйдәгез,барыбыз да китап белән дус булыйк!

Укы дустым, син аны.

Китапның син дусты бул.

Бик күп сорауларыңа

Җавап биреп торыр ул.

Китапханәче Салимгараева Р.В тарафыннан  1-7 сыйныфлар арасында китапка багышланган "Кем миллионер булырга тели" дигән уен узды. Бу уенда китапка багышланган сораулар бирелде. Миллионерлар 6 сыйныф кызлары булды.