Кыш кышлыгын итә. Салкыннарын да, кар -бураннарын да күрсәтеп кенә тора. Соңгы бураннар авылны авыр хәлдә калдырды. Карт -корыларга мәктәп укучыларының ашыгыч ярдәме кирәк булды. Мәктәбебезнең ветеран укытучылары Нәзифә апа Имамовна һәм Саимә Гатаулловна янына ярдәмгә 8 нче сыйныф укучылары барды.

Бүген мәктәптә ата-аналар җыелышы узды. Җыелышның көн тәртибендә:

1.Доклад "Оясында ни күрсә".

2.2 чирек йомгаклары  белән таныштыру.

3.3 чиреккә план кабул итү.

4. Төрлеләр. очрашу бик эшлекле узды.

Яңа елны каршылау бәйрәменә балалар гына түгел, ата-аналар , кунаклар ,әбиләр җыелды. Бәйрәм бик матур сценарий буенча әзерләнгән иде. Балалар һәм бәйрәмдә катнашкан укытучылар яхшы әзерлек белән чыгыш ясады. Кыш бабай, Карсылу, Чишмәсылу, Убырлы, Дию пәрие һәм б. барысы да балаларны бәйрәм белән котладылар. Форсаттан файдаланып, без дә барлык коллегаларыбызны Яңа ел белән тәбрик итәбез, исәнлек -саулык, гаилә иминлеге, эшегездә уңышлар телибез.

Яңа елга алып керик

Тынычлыкны , шатлыкны,

Хезмәтне һәм хөрмәтне,

Бәхетне, тырышлыкны,

Татулыкны, дуслыкны!

Бүген мәктәптә авыл фельдшеры Тахавиева Г участковый Фокин катнашында ата -аналар җыелышы узды. Ата -аналар оешкан төстә җыелды. Көн тәртибендә "Баланың сәламәтлеген кечкенәдән саклау" темасына Тахавиева , каникул чорында тәртип нормалары турында Фокин чыгыш ясадылар. !1 ярты еллыкка отчет ясалды. Мәктәп директоры Кашапова Л.Х. чыгышы тыңланды.

Мәктәптә шашка һәм шахмат турнигы узды. Шашака уенында кызлар да катнашса, шахмат уйнаучылар азрак булды. Мәктәпнең олысы кечесе кызыксынып күзәтте бәйге барышын. Көн азагында җиңүчеләр билгеле булды. Шашка уенында җиңүчеләр булып 5-8 нче сыйныфлар арасында 6 нчы сыйныф укучысы Латипов Л, 1-4 сыйныфлар арасында Латыйпов Д табылды, ә мәктәпнең иң оста шахматчысы исеменә Латипов Л лаек булды.

Инвалидлар көне уңаеннан озак еллар мәктәп котельнясында ягучы булып эшләүче, авылдашларының яраткан баянчысы, үзе иҗат иткән бик күп шигыь һәм җырлар авторы Канипов Чулпан Мәдхәт улы белән очрашу булып узды. Чулпан абыйлары балаларга үз җырларын башкарды яңа шигырьләрен укыды. Укучылар да ул язган җырлардан төзелгән концерт номерлары белән сөендерделәр хөрмәтле кунакны. 

Күп бәйге һәм сынаулар узганнан соң  мәктәпнең "Иң  яхшы математигы" исеменә 7нче сыйныф укучысы Салахова Эльвина лаек булды.Әфәрин , Эльвина!

4 һәм 5 сыйныф укучылары арасында "Умники" һәм "Умницы"" командалары ярышты. Бу математик бәйге бик күп кызыклы биремнәрне үз эченә керткән. Кызлар һәм малайлар бер- берсенә сер бирерлек булмады , "Дуслык" җиңде.

Математика айлыгы кысаларында 6-8 сыйныф укучыларыннан торган "Крестики" һәм "Нолики" командалары арасында КВН узды. Кызыклы башваткычлар , катлаулы мисаллар, тапкырлылыкка биремнәр эшләгәннән соң 23кә 24 очко белән "Нолики" командасы алга чыкты. 

Дүшәмбе линейкасында атналык яңалыкларына күзәтү ясаганнан соң, әниләр көне уңаеннан үткәрелгән әдәби һәм рәсем бәйгесе җиңүчеләре билгеләнде һәм бүләкләнде.