Бүген мәдәният йортына җыелдык. Мәктәпнең барлык укучылары өчен дискотека узды. Җырлы- биюле уеннары, заманча бию, сизгерлек һәм җитезлеккә ярышлар оештырылды. 2 сәгатькә сузылган күңел ачу кичәсендә балалар рәхтләнеп күңел ачтылар.

Мәктәптә бүген ата-аналар җыелышы узды. Җыелышта 21 әти- әни, укытучылар, сыйныф җ итәкчеләре катнашты. К өн тәртибендә : 1. Доклад "Балаң мәрхәмәтлеме" Хамзина Р.З. чыгышы тыңланды. 

2. 1 чирек йомгаклары буенча   завуч Абдуллина А.В. чыгыш ясады. Аттестацияләнгән 30 укучының 11е 4һәм 5легә өлгерә, өлгермәүчеләр юк, 3кә укучылар белән ата-аналар ягыннан да, укытучылар тарафыннан да өстәмә эшләү кирәк. Аерата игътибар тәлап итүче балалар да барлыгына басым ясалды.

3. "Алда - каникуллар" әти - әниләр белән куркынычсызлык кагыйдәләрен үтәү  инструктажы үткәрелде (директор Набиуллин И.С.)

4. Мәктәптә күптән түгел генә үткәрелгән  "Яулык бәйрәме" тамашасының видеоязмасы күрсәтелде. 

Һәрберебезгә мәгълүм булганча, октябрь аенда илебез бер-бер артлы  ике олы бәйрәмне билгеләп үтә. 1991нче елдан бирле- өлкәннәр көне үткәрелә һәм 5нче октябрь укытучылар көне. Укучысыз укытучы юк. Димәк, бу көн мәктәптә укыган, укый торган һәрбер кешенең бәйрәме. Бу көн -халык бөйрәме. Безне олы тормыш юлына чыгарга әзерләүче хөрмәтле кешеләребез, бәйрәм белән сезне. Бүген мәктәптә укытучыларыбызны бәйрәм белән тәбрикләү тантанасы узды. 

Мәктәптә бүген авылыбызның иң хөрмәтле кешеләре картлар җыелды. Төрле елларда, төрле эшләрдә эшләгән, гомерләре буе шушы авылыбызның киләчәге өчен көч түккән әби- бабайларның акыллы сүзләрен тыңладылар бүген укучылар. Балалар, укытучылар һәм мәдәният йорты хезмәткәрләре тарафыннан әзерләнгән зур әдәби чара  да бары тик алар өчен генә иде бүген.