2012 нче елның 1 февраленнән Субаш авылының хөрмәткә лаеклы булган өлкәннәре компьютер серләренә өйрәтү дәресләренә бик теләп йөриләр. Әлеге дәресләрне югары квалификацион категорияле укытучы Гарифуллина Р.Р. алып бара.

    «Йолдыз» укучылар  оешмасында   январь  аенда  ук ,  4 февраль  көнне мәктәптә,  10-11 нче сыйныф укучылары үзләрен укытучы ролендә сынап карарга,   Үзидарә көне булачак дип хәбәр ителде,  һәм югары  классларда моӊа  әзерлек башланды. Оешма президенты Гильмуллина Алсу 11 нче сыйныф  укучысы Абдрахманов Булат белән кайсы класста , нинди  дәресне кем укытасын бүлештеләр, укытучылар белән сөйләштеләр. Дәресләргә план язып, ныклап әзерләнделәр. Ниһаять, 4  февраль- шимбә көнне   үзидарә  көне  килеп житте.  

      Укучылар, үзләренеӊ өсләрендә зур жавапчылык хисе белән , кайсы каушап, кайсы каушаганын сиздерәсе килмичә, дәресләргә юнәлделәр. Бу көннән дублер- укытучылар гына түгел, аларныӊ укучылары һәм укытучылар да канәгать калдылар. Дәресләрдән соӊ, барысы бергә жыелып, узган көнгә нәтижә ясадылар. Нәтижәне кимчелекле, уӊай якларын әйтеп, дүшәмбе көнне барлык класслар алдында ,линейкада  әйттеләр.

"Сократ" математик интернет - олимпиадасын беренчеләр бик яраталар. Укытучылары Антонова Нәфисә Гарифулла кызы белән интернет серләренә дә төшенәләр, математикадан логик фикерләү сәләтен үстерү өстендә даими эшлиләр. Бу олимпиадада башка сыйныф укучылары да теләп катнашалар.  Төрле дәрәҗәдәге дипломнар алалар.

Разил Вәлиевның юбилее уңаеннан Субаш урта мәктәбендә китапханәче Фәезова Э.М. Р.Вәлиевның тормыш юлы һәм иҗаты дип исемләнгән мультимедия басманы тәкъдим итте.Басмада язучының тормыш сәхифәләрен чагылдырган фотосурәтләр,шигырь, җырларның аудиоязмалары, әсәрләре электорн вариантта бирелә. Бу интерактив китап мәктәп укучыларына һәм укытучыларына бик ошады. Кичә тест – сораулык белән тәмамланды.

Мәктәбебез егетләре даими оештырылган хоккей уеннарында бик теләп катнашалар. Студентларга каршы уенда да укучыларыбыз оттырмады.

   19 нчы гыйнвар көнне мәктәптә ата-аналар җыелышы үтте. Җыелышны директор Галиева Р.М башлап җибәрде.

       Субаш авыл китапханәсендә китапханәче Габделхакова Л, технология укытучысы Фәезова Э. укучыларга халкыбызның гореф – гадәтләрен өйрәтү максатыннан “Аулак өй” кичәсе үткәрделәр. Кичәдә авылыбызның алтын куллы апалары кызларга бәйләү серләрен өйрәттеләр. Кичә бик җанлы, мавыктыргыч үтте. Милли ризыклар белән әзерләнгән түгәрәк өстәлебез “Аулак өй” гә ямь өстәде.

  Мәктәбебездә туризм түгәрәге гөрләп эшли. Җитәкчесе яшь, энергияле белгеч Хөснетдинов Азат Альбертович укучыларны туризм серләренә өйрәтә. Февраль аенда мәктәп күләмендә сыйныфлар арасында үткәреләчәк туризм ярышларына ныклы әзерлек бара. 

        Нәфисә Гарифулловна! Сез бүген үзегезнең олы юбилеегыз — 50 яшегезне билгелисез. Ак кышларга ямь өстәргә теләгәндәй, табигатьнең шушы мизгелендә ярты гасыр элек дөньяга килеп, сез барлык туганнарыгызны сөендергәнсез. Бүген дә сез, кадерле кешебез, үзегезнең тирә-ягыгыздагы кешеләргә шатлык өләшәсез, олысына да, кечесенә дә сез кешелекле һәм игелекле, абруйлы киңәшче, шуңа күрә дә  олы ихтирам казангансыз.

    Алдагы гомер юлларыгызны шулай ук сау-сәламәт, күтәренке кәеф һәм туган-тумачаларыгыз, якыннарыгыз белән бәхетле көннәрдә үтәргә язсын сезгә кадерле коллегабыз!

Илленче көз сезнең бусагада

Илленчесе, түгел йөзенче

Узсын әйдә, картайсыннар еллар

Картайтмагыз бары күңелеңне.

Һәрчак шулай яшьлек дәрте сездә

Янып торсын җәйге учактай

Саулык, байлык, күп шатлыклар

Чиксез булсын язгы офыктай.

Хөрмәтле коллегалар, укучылар һәм сайтны кулланучылар!

Сезнең барыгызны да якынлашып килүче Яңа ел бәйрәмнәре белән котлыйбыз. Сәламәтлек һәм бәхет-шатлык белән тулы көннәр, байлык һәм күңел тынычлыгы насыйп булсын. Хыялларыгызның һәр барчасы тормышка ашсын, бәхетләрегез ташып торсын!