11нче сыйныф укучылары Хәбибуллина Алинә химиядән, Хәкимҗанов  Ранил информатикадан пробный имтихан тапшырдылар,нәтиҗәләре әйбәт булды. Аларның кабат ныклап әзерләнеп, алдагы имтиханнарын тагын да югарырак балларга бирүләрен теләп калабыз.

8 нче сыйныф укучысы Габитова Ландыш Әбрәр Кәримуллин исемендәге республика фәнни-практик конференциясенең “Рус әдәбияты” секциясендә иң актив катнашучы дипломына ия булды. Җитәкчесе - Хабибуллина Венера Анировна.

21нче март  көнне һәр сыйныфта Халыкара урманнаркөненә багышлап түбәндәге темаларга  тәрбия сәгатьләре үткәрелде.

1 нче сыйныфлар әти-әниләре белән бик күңелле итеп Әлифба бәйрәме үткәрделәр. 7 ай уку дәверендә алар инде бик күп һөнәрләр үзләштергәннәр. Бик матур итеп җырладылар,биеделәр,рәхмәт әйттеләр,аларга әти-әниләр дә җавапсыз калмадылар.Аларга алга таба да зур уңышлар теләп калабыз.

Тарих укытучысы Николав Илнур Илгиз улы «Ел укытучысы» конкурсында уңышлы чыгыш ясап «Гуманитар фәннәр буенча иң яхшы укытучы» номинациясендә җиңү яулады.

Закиров Фәрит Масхудович  “Лучший специалист по охране труда -2013” V республика конкурсында катнашып сертификатка ия булды.

15 мартта районда “ Созвездие-Йолдызлык -2013” фестиваленең йомгаклау концерты үтте. Мәктәбебезнең “Яшьлек” бию төркеме  уңышлы чыгыш ясап кыйммәтле бүләкләргә  һәм грамотага ия булдылар.

Иң көчле туристларны  ачыклау һәм аларның район ярышларына әзерлек дәрәҗәсен үстерү максатыннан, 19 март көнне класслар арасында туризм ярышлары булып узды.

16нчы март көнне “Инфознайка-2013” халыкара уен-конкурсына йомгак ясалды. Бу конкурста безнең Субаш урта мәктәбенең башлангыч сыйныф укучылары да катнашты. 1нче сыйныф укучысы Гыйльманова Зәлидә, 2 нче сыйныфтан Николаев Вилдан Диплом, калган 10 укучы сертификат белән бүләкләнделәр. Барыгызны да җиңүегез белән котлыйбыз!

   Мәктәпнеӊ «Туры юл» профилактик отряды членнары башлангыч сыйныфларда начар гадәтләрнеӊ зыяны турында профилактик әӊгәмәләр уздырды. Балалар сорауларга җавап биреп, актив катнашып утырдылар.