28-30 нчы май көннәрендә районда туристик слет булып узды. Районыбызның барлык командалары да бу ярышта үз көчләрен төрле конкурсларда һәм туристик полосада сынадылар. Укучылар 3 көн буе табигать шартларында компьютер һәм телевизордан  аерылып саф һавада күңелле ял иттеләр. Безнең мәктәп командасы төрле ярышларда бик уңышлы чыгыш ясап гомуми нәтиҗәдә II һәм III урыннарны алып кайттылар. Аларга алдагы ярышларда тагын да биегрәк үрләрне яулауларын теләп калабыз.

 30 нчы май “Балыкчылар көне” иде. Балалар су буенда ярышып балык  тоттылар. Беренче балыкны “Тамчыкай” командасы, ә иң күп балыкны “Гөлләрем” командасы тотты. Шулай итеп, дуслык җиңде.

27 май көнне лагерь башланып китте. Балалар отрядларга бүленделәр. Исем, девиз сайладылар. Беренче көн бик эшлекле һәм күңелле үтте. Калган көннәре дә шулай үтәр дип ышанып калабыз.

“Нобелевские надежды КНИТУ-2013” республикакүләм укучыларның эзләнү эшләре бәйгесендә математика фәне буенча эшен яклап Гарифуллин Рүзәл (укытучылары Гарифуллин Р.Г., Гарифуллина Р.Р.) лауреат булды. Аңа киләчәктә дә уңышлар, сәламәтлек телибез.

8 нче сыйныф  укучылары  4 сыйныф  эзтабарларын  Татарстан Варислар Берлегенә   кабул иттеләр.  Сбор барышында пионерия тарихы, мәктәпнен пионер оешмасы, варислар турында сөйләнде, презентация  күрсәтелде. Кичә варисларны котлау, бүләк бирү белән тәмамланды.

Субаш урта мәктәбе укучылары командасы (җитәкчеләре Хөснетдинов Азат Альберт улы) Биектау шәһәрендә уздырылган “Школа безопасности 2013” ярышларында катнашып түбәндәге урыннарга лаек булдылар:

“Тикшерү – коткару эше”дистанциясендә IV-урын,

“Каршылык полосасы” дистанциясендә II-урын,

"Гомуми физик әзерлек" ярышларында II-урын,

Янгын сүндерүчеләр поласасында  II-урын,

“Команданы тәкъдим итү” конкурсында I-урын,  

 “Пешекчеләр” конкурсында  IV-урын.

Гомуми нәтиҗә дә  III-урын.

Алдагы ярышларда укучыларга зур уңышлар телибез.

“Коды и шифры” конкурсында 3нче сыйныф укучысы Гафурҗанова Энҗе 2нче дәрәҗә дипломга ия булды.

2012-1013нче уку елындагы эшчәнлеккә  йомгак ясап, укуда һәм чараларда алдынгыларны билгеләдек.  “Йолдызлар яңгыры” дип исемләнгән иҗат концертында укучыларның чыгышын тамашачылар җылы кабул итте.

Мәктәпнең  тәҗрибә участогында кызу эш башланды. Укучыларыбыз  җиләк- җимеш бакчасын  чүпләрдән арындырды, агач кәүсәләрен известь белән эшкәрттеләр.