Бүген мәктәбебезгә иҗтимагый педагоглар кунакка килделәр. Алар башлангыч сыйныф укучыларына һәм 5-6 классларга наркоманиягә каршы профилактик чара үткәрделәр.

-Язның беренче бәйрәмен

“8 нче Март” диләр.

Бәйрәмегез котлы булсын,

Кызлар, апа-җиңгиләр!!!

Башланыч сыйныф укучылары әниләренә бүләк ясадылар. 1нче класс укучысы Гильмутдинова Ләләнең әнисен бүләкләгән вакытын фотога төшереп алдык.

Бүген 2-4, 5-6, 7, 8 класс һәм укытучылар командалары арасында хоккей ярышы булып узды. Укытучылар беренче, 7нчеләр икенче, 8нчеләр өченче урын яуладылар.

Һәр атнаның дүшәмбе көнендә линейка була. Бүген анда хәрби-патриотик тәрбия айлыгына нәтиҗә ясалды, актив укучылар һәм класслар бүләкләнделәр.

1 марттан башлап IT-чемпион конкурсы башланып китә. Без исемлекне бүгеннән терки башладык.

Бүген мәктәптә укучыларның куркынычсызлыгы турында ата-аналар җыелышы булды. Әлеге кагыйдәләрне кабатлау бервакытта да артык булмас.

Февраль аен "Аҗаган"сыз күз алдына да китереп булмый! Хәрби-патриотик тәрбия айлыгы кысаларында уздырылган әлеге чарада без дә катнаштык. (Тулырак рәсемнәр фотогалерея бүлегендә)

23нче февраль - Ватанны саклаучылар көне уңаеннан, укучылар авылыбызның ир-егетләренә бүләккә открытка ясадылар. 

Бүген тәрбия сәгате вакытында һәр класс җитәкчесе коррупция төшенчәсенә аңлатма бирде һәм аның аяныч нәтиҗәләре турында сөйләде.