Бүген математикадан мониторинг була. Бу, беренчедән, укучыларының белемнәрен тикшерү булса, икенчедән,  ГИАга әзерлек тә булып тора.

Татарстанда шушы көннәрдә беренче тапкыр Урман көнен билгеләп үтәргә җыеналар. Урман – яшәү чыганагы. Урмансыз су юк, су булмаса – икмәксез калабыз. Табигать безне киендерә дә, ашата да, эчертә дә. Шуларны да күздә тотып булса кирәк, Берләш­кән Милләтләр Оешмасы быел 21 март көнен Урман көне буларак билгеләп үтәчәк. Шул уңайдан мәктәп-гимназия­ләр­дә, балалар бакчаларында үсеп килүче яшь буынга тәрбия сәгатендә “урман дә­ресләре” үтте. Килә­чәк­тә исә мондый дәресләрне оештыру традициягә әйләнер дип ышанабыз. Шушы эш белән без яшь буынны урманга тартырга булдык. Табигатьне саклау, яклау кешенең үзеннән торганын онытмыйк!

Уку елын универсиада дәресе белән башлаган идек, ахырын да шулай тәмамлыйбыз. Бу дәреснең укучылар өчен генә түгел, укытучылар өчен дә әһәмияте зур. Чөнки универсиаданың нәкъ менә безнең җөмһүрияттә узуына без горурланырга тиеш!

Башлангыч сыйныф укучылары "Күңелле старт"ка чыктылар. Физкультура укытучысы Илнар Уралович алар өчен кызыклы уеннар оештырды. 

Бүген авылыбызның һәйкәле янында Җиңү бәйрәменә багышланган митинг булды. 

Бүген авыл мәдәният йортында мәктәпнең отчет концерты булды. Бәйрәм ярминкә белән башланып китте, аннан соң барча халык залга концерт карарга җыелды. Укучылар, укытучылар, әти-әниләрнең моңлы җырларын, матур биюләрен, нәфис сүзләрен һәркем зур алкышлар белән кабул итте. 

Иртәгә бөтен Рәсәйдә ял һәм хезмәт бәйрәме!  Шул уңайдан мәктәпләр дә 1-2 май көннәрендә ял итәләр. 

Татар теле һәм әдәбияты укытучысы Сәләхетдинов Инсаф Исрафил улы Тукайның туган көненә багышланган "Могҗизалар кыры"н үткәрде.

Бүген Балтач бистәсендә "куркынычсыз тәгәрмәч" үздырылды. Укучыларыбыз призлы урын яуламасалар да, диплом һәм радио белән бүләкләнделәр.

Шимбә өмәсе уңаеннан, мөгаллимнәр, техник хезмәткәрләр, мәктәбебез укучылары зур тырышлык белән бөтен тирә-юньне чистарттылар. Уртак хезмәтнең тырышлыгы бушка китмәде, барлык җир көлеп тора.