Биология укытучысы Рәмзия Закариевна март башында ук помидор, борыч үсентеләре утыртты. Хәзер алар тәрәзәдән төшкән  кояшта иркәләнеп утыралар.

Татар халкының сөекле  шагыйре  Г. Тукай  образы  ничә буын әдипләрне ижатка рухландырып, илһам, көч биреп килде. Аның иҗатын һәм тормыш  юлын чагылдырган аерым әсәрләр, хезмәтләр, истәлекләр бик күп.  Бүген Тукайның үлүенә 100 ел. Аны хөрмәтләп мәктәбебездә дә китап күргәзмәсе оештырылды.

Бүген тәрбия дәресендә парламент сәгате уздырылды. Анда Шәйхиев Наис укучыларны дәүләт символлары һәм күптән түгел генә кабул ителгән гимнның сүзләре белән таныштырды.
 

Сыерчыклар кайттылар. Безнең укучыларыбыз алар кайтышына берсеннән берсе матур сыерчык оялары ясадылар.

Бүген 9нчы сыйныф укучылары интернет-тест тапшырдылар. Бу -- ГИАга әзерлек тә булып тора. Һәр укучы үзенә дөрес нәтиҗә ясагандыр...

Бүген, узган атнада уздырылган биология атналыгына нәтиҗәләр ясалып узылды. Иң актив укучылар бүләкләнеп үтелде.

Бүген актлар залында урманнарга багышланган тәрбия сәгате булды. Анда урманнарның чисталыгы, пожар куркынычсызлыгы турында презентация күрсәтелде.

Уку елының озын өченче чиреге дә ахырына якынлашты. Бүген укытучылар өченче чирекне уңышлы тәмамлау турындагы приказ белән таныштылар, шулай ук  каникулның көннәре язгы һава торышы белән бәйле икәнен дә искәрттеләр. Язгы су басулар вакытында куркынычсызлык кагыйдәләре искә төшерелде, укучыларга инструктажлар уздырылырга кирәклеге аңлатылды.

Узган атнада тарих атналыгы булып узды. Укучылар бик актив катнаштылар. Линейка вакытында тарих укытучысы Наис Фәнисович атналыкка нәтиҗә ясады һәм әлеге фән белән аеруча кызыксынган укучыларны бүләкләп үтте.

Йолдызлык-2013 конкурсында безнең мәктәптән Шафигуллина Гөлдания катнашты. Ул уңышлы чыгыш ясады һәм грамота белән бүләкләнде.