Бүген бездә “Замана мәктәбендә әхлак тәрбиясе юнәлешендәге үзенчәлекләр. Тәрбияви белем мәйданында традицияләр, дини эчтәлектәге сәнгать әсәрләренең роле” темасына багышланган республикакүләм семинар булып узды. Әлеге семинарга кунак булып Җәлил хәзрәт, Шубан мәчете имамы, Россия ислам университетының гуманитар дисциплина кафедрасы җитәкчесе, филологик фәннәр кандидаты, галимәСафиуллина Резеда Риф кызы чакырылганнар иде. 

Классларда Бөек Җиңүнең 70 еллыгына багышланган тәрбия сәгатьләре гел үткәрелеп тора. Укучылар сугышта катнашкан авылдашларыбызның батырлыклары турында сөйләделәр. Закирова Таңсылу бабасының истәлекләре белән таныштырды.

Район ФОРПОСТ отрядлары арасында безнең укучыларыбыз беренче урынны яуладылар.

17 нче февраль көнне Балтач районы Карадуган урта мәктәбендә үткәрелгән "Муса Җәлил исемендәге республикакүләм фәнни-гамәли конференция"сендә катнашып, Шубан төп гомуми белем мәктәбе укучылары зур уңышларга ирештеләр. 9 нчы сыйныф укучысы Шиһабеддинов Руслан "Татар әдәбияты һәм сәнгатендә Җәлил һәм җәлилчеләр образы" юнәлешендә чыгыш ясап, I дәрәҗәле диплом белән бүләкләнде. Ул фәнни-гамәли конференциядә "Җәлил һәм җәлилчеләр образының картиналарда һәм скульптура әсәрләрендә гәүдәләнеше" темасы буенча үз хезмәтен тәкъдим итте. 7нче сыйныф укучысы Энҗе Хәсәнова "Эзләнүләр дәвам итә" сексиясендә чыгыш ясап, сертификат белән бүләкләнде. 

Афәрин , Руслан! Афәрин, Энҗе!

Киләчәктә дә шушы юнәлеш буенча эшчәнлегегезне дәвам итегез.

1941 – 1945 елгы БВС Җиңүнең 70-еллыгына багышланган чаралар дәвам итә.   1,3 сыйныф коллективының  “Герой пионерлар”  дип исемләнгән чаралары  һәркемне

 тетрәндерде.

  Бу атнада хәрби бурычын Әфганстанда  үтәгән Шайхетдинов Дамир абый , армия хезмәтеннән кайтучы егетләребез Бариев Динар һәм Галимуллин Салават мәктәбебезнең хөрмәтле кунаклары булдылар.