Антикоррупция айлыгы кысаларында рәсем конкурсы уздырылды.

Террорист мәктәпкә кергән очрак өчен уку тренировкасы үткәрелде. Куркынычсызлык кагыйдәләре аңлатылды.

Хөрмәтле Ханнан Гафурзянович!
Сезне олы бәйрәмегез – 60 яшьлек юбилеегыз белән чын күңелдән котлыйбыз. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыгызның күңел җылысын тоеп, игелекләрен күреп, бәхетле озын гомер кичерүегезне телибез. Киләчәгегез җыр кебек матур, кояш кебек якты булсын.

Экологик тәрбия максатыннан, укучыларыбыз пластмасса шешә бөкеләре җыйдылар. Иң актив укучы Зиятдинова Фидалия булды.

Һәр иртәне балалар «иртәнге фильтр» термометриясен үтә.

17 - 21 нче октябрьдә мәктәптә Психология атналыгы үткәрелә. Атна программасында "Смайлик", "Төсле куллар", "Психологик койма", стресска каршы рәсемнәр конкурсы, психологик ял итү бию - флешмоб акцияләре һәм "Серләр  тартмасы" бар, анда балалар үз серләрен һәм теләкләрен җибәрә ала. 

«Всякая эмоция только обогащает жизнь»  Джон Голсуорси

Бүген мәктәбебездә эмоцияләр көне. Һәр укучы үзенең эчке халәтен "смайлик" белән күрсәтте 

"Мы в ответе за свои поступки"  (Без үзебезнең эш-гамәлләребез өчен җаваплы) темасына бердәм дәрес уздырылды. Төп чыгышны тарих һәм җәмгыять белеме укытучысы Салават Галиахметович ясады. Авыл советы җитәкчесе Сәгурә Закариевна да укучылырны хокуклары һәм бурычлары белән таныштырды.

Бөтен Россия буенча "Солдатка хат" акциясе уза. Аны РФ Оборона һәм Мәгариф министрлыклары  ярдәмендә "Яшь армия"  хәрәкәте гамәлгә ашыра. 

Акциягә мәктәбебез укучылары да кушылдылар. Алар Украинада махсус операцияләрдә катнашучы хәрбиләргә күңел күтәргеч һәм рухландыргыч хатлар яздылар. Хәрби кыр почтасының барлык юлламалары, һичшиксез, үз адресатларын табачак.

Укытучылар көне һәм олылар көнен берләштереп укучыларыбыз концерт куйды.