Безнең җәмгыятьтә балалар җинаяте, хокук бозулар булганда, моңа каршы көрәшүнең яңа формалары кулланылырга тиеш. Шуларның берсе - җәмәгать тәртибен саклау буенча яшүсмер - яшьләр формированиесе үзәге "Форпост" төзү. Безнең мәктәптә дә ФОРПОСТ отряды эшләп килә, һәм алар һәрдаим ФОРПОСТ отрядлары башлыгы Гилемзянов Фердинанд Шарифуллович белән очрашып, фикерләр алмашып торалар.

Миләш өлгереп килә. Миләш җиләкләре бик ачы булса да, аның составында бик күп файдалы матдәләр бар. Миләш каротиннарга һәм антициан кушылмаларга, А һәм С витаминнарына, пектинга бай.

Укучыларыбыз миләш җыюга зур өлеш керттеләр.

Бүген гомуми ата-аналар җыелышы булып узды. Анда гаиләдә ата-ана белән бала арасындагы каршылыклар һәм аларны хәл итү юллары, җылы ашау, меню, мәктәпнең эчке кагыйдәсе турында сойләшенде. Җыелышта Балтач районының ПДН ОМВД старший инспекторы Ләйсән Маратовнаның да чыгышы булды.

Соңгы елларда республикабызда автотранспорт саны, юлларда машина хәрәкәте көннән-көн арта бара. Шуның нәтиҗәсендә балаларның юл-транспорт һәлакәтенә юлыгу куркынычы да көчәя. Ә бу исә, үз чиратында, балаларга мәктәпкәчә яшьтән үк юл йөрү куркынычсызлыгы кагыйдәләрен өйрәтү кирәклегенә басым ясый. Районыбызның юл йору куркынычсызлыгы буенча башлыгы Лилия Мухаммедгалиевна укучыларга "юл әлифбасын" өйрәтте.

Кешенең үз-үзен тотышыннан, гадәтләреннән ни дәрәҗәдә әдәпле булуын белеп була. Яхшы гадәтләрне үзеңдә кече яшьтән үк тәрбияләргә кирәк. Моның өчен син кайда гына булсаң да, урамдамы, мәктәптәме, дәрестәме, тәнәфестәме-әдәплелек кагыйдәләрен онытмаска тиеш. Ләйлә Фаргатовна укучылар арасында булган закон бозу очракларын һәм аның аянычлы нәтиҗәләрен сөйләде. Профилактик әңгәмә оештырды.

Пожар куркынычсызлыгы, терроризмның төрләре буенча эвакуация уздырылды. ОБЖ укытучысы Ленар Мөбәрәкҗанович укучылырга, укытучыларга, техник хезмәткәрләргә куркынычсызлык чараларын аңлатты.

Бүген бездә зур бәйрәм. Белем бәйрәме – беренче кыңгырау бәйрәме. Кадерле укучылар, зур ихтирамга лаек булган укытучылар! Сезне бәйрәм белән котлыйбыз. Сезгә җан тынычлыгы, күңел көрлеге, тән сихәтлеге, эшегездә, укуыгызда, шәхси тормышыгызда зур уңышлар теләп калабыз.

Бүген, 28 май көнне Балтачыбызда  "Дуслык учагы" уза. Күрше-тирә районнарда яшәүче төрле милләт балалары белән берлектә уздырылучы әлеге чара быел 55нче мәртәбә үтә. Әлеге слет-фестивальдә безнең мәктәптән 8 нче сыйныф укучысы Шарафутдинова Алинә катнашты.

Бәйрәм бүген барлык мәктәпләрдә,

Хис ташкыны дулый күкрәктә.

Остазларның моңсу карашлары

Озату сүзен яза йөрәккә

Укулар инде артта калды

Җыелыштык соңгы бәйрәмгә.

Һәркем тоя үзен әзер итеп

Таулар , диңгезләрне кичәргә.

Уй –хыялларыгыз, канатлы

Кулыгызда чәчәк бәйләме.

Еларгамы, көләргәме бүген,

Күңелләрнең иләс бер мәле.