"Театр яктылыкка, нурга илтә..." дигән конкурста район турында җиңеп, укучыларыбыз республика турына үттеләр. Аларга уңышлар телик!

"Татар сүзе - 2023" халыкара нәфис сүз телевизион бәйгесендә Шубан төп гомуми белем мәктәбенең татар теле һәм әдәбияты укытучысы Сәләхетдинов Инсаф исрафил улы 3 нче дәрәҗәдәге диплом һәм 20 мең сум күләмендәге акчалата премиягә лаек булды. Әлеге бәйге ТНВ каналында 9 апрель көнне 15:00 сәгатьтә күрсәтеләчәк. 

Татарстан Республикасы Кукмара районы Янил мәктәбендә уздырылган "Туган җир сулышы" дип аталган Республикакүләм фәнни-гамәли конференциясендә катнашып, 7 нче сыйныф укучысы Галимуллин Әлфис беренче дәрәҗә диплом яулады. Җитәкчесе технология фәне укытучысы Рамазанов Ленар Мөбәрәкҗанович.

Күңел чакыруларыбызны сизгәннәр диярсен, безнең Шубан төп гомуми белем мәктәбенә шагыйрьләр - Йолдыз апа Шәрәпова һәм Ленар Шәех кунакка килделәр. Ул чара "Синең бер тамчы караңа тулы кояш сыйган бит" дип исемләнгән иде.

Бүген барлык класслар өчен дә Парламент  дәресе үтте.Дәрестә  РФ һәм Татарстан республикасы  символикалары турында аңлатылды, кешенең хокуклары һәм бурычлары турында җанлы әңгәмә булды.

15 февраль Әфганстан Республикасыннан совет гаскәрләрен чыгару тәмамланган көн буларак билгеләп үтелә. Әлеге дата илебез тарихында мәңгелеккә калды. Бу көнне хәрбиләрне генә түгел, бар халыкларны ут йоттырган игълан ителмәгән сугыш тәмамланды. Әлеге геройларны тәрбияләгән аналарга, һәлак булган якыннарын һәм дусларын онытмаучыларга хөрмәтлибез, сәламәтлек, иминлек телибез. 

 "Татарстан чаңгы юлы-2023" ярышлары узды. Олысы кечесе бер булып чаңгы юлына басты.  

2023 ел республикада Милли мәдәниятләр һәм гореф-гадәтләр елы буларак билгеләп үтеләчәк. Бу хакта Татарстан Президенты Рөстәм Миңнеханов Дәүләт Советына еллык Юлламасы вакытында хәбәр итте. 

Кадерле дусларым! Яна ел белэн котлаулар кабул итеп алыгыз! Яңа ел бәйрәме матур булып үтсен! Алдагы өр-яңа ел бары бәхет-куанычлар гына алып килсен. Туасы таңнар тыныч булсын. Гомер юлларыбыз һәрчак шатлык белән тулып торсын. Кызыклы очрашулар, бәхетле мизгелләр күп булсын! Эшләребездә уңышлар юлдаш булсын, күңелләребездәге мәрхәмәтлелек бар җиһанны яктыртсын. Йортларыбызга авырулар, хәвеф-хәтәрләр, бәла-казалар килмәсен. Гаиләләребездә бәхет уты һәрвакыт сүнмичә янып торсын! Яңа ел белән сезне, киләсе еллар бәхет китерүче еллардан булсын!

Яңа ел бит ул могҗиза, Яңа ел – тылсым.
Яңа елда һәр кылган эш бәхеткә булсын!
Карлар белән бергә җанга ак өмет иңсен.
Яңа елда бар җиһанны тынычлык төрсен!
 

Кыш бабай белән Кар кызын каршы алдык бүген. Төрле уеннар уйнап, маҗаралар карап, бик куңелле үтте бәйрәм!