Биология һәм химия укытучысы Рамазанова Г.Г. “Ел укытучысы” бәйгесендә катнашып, Сосна урта мәктәбендә ачык дәрес һәм сыйныф сәгате күрсәтте. Укытучыбызга теләктәшлек белдереп, уңышлар телибез.

31.01.2013.

Мәктәбебезнең “Форпост” оешмасы членнары Шигапова М., Рамазанов Д., Фаттахов Н. тәрбия эшләре буенча директор урынбасары Габдрахманова И.Б. җитәкчелегендә Борбаш мәктәбендә үткәрелгән семинарда катнаштылар. Семинар файдалы һәм эшлекле булды.

31.01.2013.

Мәктәбебез укытучылары районда үткәрелгән спартакиада ярышында катнаштылар. Күп кенә спорт төрләрендә үз көчләрен сынадылар, матур күрсәткечләргә ирештеләр. 

1.02.2013.

Бу көнне мәктәп җитәкчесе Рәйсә Галимҗановнаның 55 яшьлек юбилей кичәсен билгеләп үттек.  Кичәдә, җитәкчебезне хөрмәтләп, укытучылар һәм укучылар иң изге теләкләрен җиткерделәр, матур биюләр һәм җырлар башкардылар. 

10нчы сыйныф укучысы Корбангалиева Раилә армспорт буенча Идел буе федераль округы беренчелегенә үткәрелгән ярышта III урынны яулады. Молодец, Раилә!

Мәктәптә “Федераль дәүләт белем стандарты кысаларында балалар бакчасы һәм мәктәп арасында күчемлелек”дип исемләнгән семинар үтте. Семинар кысаларында I сыйныф укытучысы Д.М.Ибраһимова сынлы сәнгать дәресе күрсәтте. Семинарга килүчеләр дәресләрдән канәгать калдылар.

Россия Герое О.Н.Исаев беренчелегенә 9-11 сыйныф егетләре арасындагы  хоккей  ярышында мәктәбебез егетләре II урынга лаек булды. Ә Мухаметшин Айнурга “Иң яхшы саклаучы” исеме бирелде.

ТР ның экология һәм табигый ресурслар министрлыгыннан килгән вәкил – Н.В.Новикова биология укытучысы Г.Г.Рамазановага күпкырлы хезмәтен бәяләп экология министрлыгының дипломын тапшырды.

Мәктәптә ТРның экология һәм табигый ресурслар министрлыгыннан вәкил – Н.В.Новикова килде. Аның белән берлектә биология укытучысы Г.Г.Рамазанова югары сыйныф укучыларына чисталык дәресе үткәрделәр.

Мәктәбебезнең кызлар хоккей командасы районкүләм хоккей ярышында беренче урынны яуладылар. Молодцы, кызлар!