Бүген 9 – 11 нче сыйныфлар яңа ел бәйрәмнәрен башлап җибәрделәр. Кичә күп кенә пародия артистлары, җырчы, биюче йолдызлар, төрле җәнлекләр чыгышлары һәм кызыклы уеннар белән үрелеп барды.

Бүген укучыларга яӊа ел бүләге бирелде. Бүләкләрне укучыларга, үзенеӊ яӊа ел котлауларын ирештереп, кыш бабай тапшырды.

Республика күләмендә уздырыла торган "Талисман моей детской общественной организации" конкурсының бу атнада мәктәп этабы уздырылды. Укучылар дуслыкны чагылдырган кул эшләреннән күргәзмә оештырдылар.

Бүген Салавыч авылы базасында авылыбызда туып-үскән, көрәш буенча Россиянең спорт мастеры Рафис Насибуллин призына көрәш бәйгесе уздырылды. 

Бүген лицейда «Математика дәресләрендә белем сыйфатын күтәрү максатыннан яӊа технологияләр, «Сингапур программасын» файдалану» темасына математика укытучыларыныӊ район семинары булып узды.

Бүген лицейда, 5 – 11 нче сыйныфлар арасында, «Иӊ яхшы вожатый» конкурсыныӊ соӊгы этабы үткәрелде. 7А сыйныфы укучысы Бәдегетдинова Эльвина җиӊүче исеменә лаек булды.

Лицей каршында, яңа ел җитүен хәбәр итеп, сыннар патшалыгы пәйда булды. Лицей укытучылары, укучылары һәм әти – әниләр, бар осталыкларын эшкә җигеп, берсеннән – берсе матур, игътибарны җәлеп итәрдәй сыннар иҗат иттеләр. Лицеебыз хезмәткәрләре, укытучылар, укучылар һәм килүче кунаклар аларга сокланып китә. Уку йортыбызның тирә - юне әкият дөньясына охшап калды.

Бүген 8 нче сыйныф укучылары сынау тестлаштыруы уздылар. 

Түбән Новгород шәһәрендә Идел буе федераль округы беренчелегенә үткәрелгән кул көрәшендә 11 нче сыйныф укучысы Ахметзянов Ренат III урынга лаек булды.

Бүген 9 нчы сыйныфлар сынау тестлаштыруы уздылар. Әлеге чара, бер яктан укучыларныӊ белем дәрәҗәсен ачыкласа, икенче яктан ГИА га әзерләнүгә нык ярдәм итә.