«Бөек җиӊүнеӊ 69 еллыгын каршылап» укучыларыбызныӊ иҗат-отчет концерты булып узды.

9 май-Җиңү бәйрәме уңаеннан авылыбызда Бөек Ватан сугышы каһарманнарына куелган һәйкәл янында митинг оештырылды. Бәйрәм мәдәният хезмәткәрләре тарафыннан алып барылып, укучыларның, авыл үзешчәннәренең чыгышлары белән үрелеп барды. 

Бүген лицейда, Башкортостанна килгән «Зеленые береты» легендар ансамбле белән берлектә, Чечняда хәрби хезмәтен үтәгәндә һәлак булган Насибуллин Илнур Нурзада улы истәлегенә мемориаль такта ачылу тантанасы булды. Тантанадан сон «Зеленые береты» ансамбле концерт номерларын тәкъдим итте.

Бүген лицейда иҗат концертыныӊ беренче туры үтте. Концертта түгәрәкләр эшчәнлеге ачык чагылды.

2 нче май көнне укытучыларны, техник хезмәткәрләрне «Татарстан Республикасының дәүләт һәм муниципаль хезмәтләренә» теркәлү һәм түләүләр буенча укыту уздырылды. Коммуналь хезмәтләр, штрафлар, телефонга, балалар бакчалары өчен түләүнең төрле ысулларының отышлы булуына инандык. Бүгенге укуда газ өчен түләү турында өйрәндек.

Район күләмендә “Марш парков” акциясе уздырылды. Әлеге чарада лицеебыз филиалы Сәрдегән башлангыч мәктәбе укучылары да актив катнашты. Акция кысаларында үткәрелгән иншалар конкурсында Хамматов Азат җиңүче булды. Азат диплом һәм истәлекле бүләккә лаек булды. Җитәкчесе: Cамигуллина Ләйсән Зиннур кызы.

Бөтенроссия «Парклар маршы – 2014» акциясенеӊ иҗади эшләр конкурсында 8 нче сыйныф укучысы Гарифуллина Зөхрә II урынны яулады. Җитәкчесе: татар теле һәм әдәбияты укытучысы Закирҗанова Г.М.

«Туган тел» айлыгы чаралары дәвам итә. Бүген «Яшь лектор» клубы әгъзалары сыйныфларда Г.Тукай тормышына багышланган чыгышларын тәкъдим иттеләр.

9 нчы сыйныф укучысы Гөлшат Галиева «Алтын каләм» балалар, яшүсмерләр һәм яшьләр прессасы район фестивалендә I урынга лаек булды.

«Туган тел» айлыгы кысаларында Г.Тукай әсәрләренә иллюстрацияләр күргәзмәсе тәкъдим ителде.