“2014-2020 нче елларга Балтач муниципаль районында Татарстан Республикасы  дәүләт  телләрен һәм   башка телләрне саклау, өйрәнү һәм үстерү” муниципаль программасын гамәлгә ашыру,   иҗади эшләүче укытучыларның хезмәтләрен бәяләү,  туган тел  укытучыларының педагогик эшчәнлеген активлаштыру максатыннан ноябрь-февраль айларында “Татар теле һәм әдәбияты укытучыларының иң яхшы сайты” бәйгесе үткәрелде. Бәйгегә 20 сайт тәкъдим ителде. Югары, беренче категориягә ия укытучыларның сайтлары һәм мәктәп методик оешма сайтлары аерым бәяләнде.   

Югары категорияле татар теле һәм әдәбияты укытучылары арасында бәйгенең җиңүчесе   Балтач гимназиясенең      татар теле һәм әдәбияты укытучысы Әхмәтова Рәйсә Шамил кызы, икенче урында-гимназиядән Габделганиева Чулпан Мөдәрис  кызы, өченче урында  Сосна төп гомуми белем мәктәбеннән          Вәлиева Гүзәлия Фатыйх   кызы һәм  Субаш төп гомуми белем мәктәбеннән           Габитова Сания Ильяс   кызы.

I категорияле укытучылар арасында җиңүче - Салавыч күппрофильле лицеенең   татар теле һәм әдәбияты укытучысы Фәрзиева Алсу Габделбәр    кызы.  Балтач урта гомуми белем мәктәбенең татар теле һәм әдәбияты укытучысы   Шакирҗанова Резеда Рафаэль   кызы,  Шубан төп гомуми белем мәктәбеннән     Сәләхетдинов Инсаф Исрафил улы,  Арбор төп гомуми белем мәктәбеннән Габделхакова  Ралия Габделбәр  кызы, Пыжмара төп гомуми белем мәктәбеннән Латыйпова Рәмзия Габдулла  кызы  икенче, өченче призлы урыннарга лаек булдылар.

   Мәктәп методик оешмасы  сайтлары арасында Норма урта гомуми белем мәктәбенең татар теле һәм әдәбияты укытучылары методик оешмасы (җитәкчесе Әсадуллина Э. В.) I урын яулады.