Хөрмәтлеләрбез , безнең тормышка ямь өстәүче гүзәл затларыбыз!

Сезне язның беренче бәйрәме - 8 март – Халыкара хатын-кызлар көне белән чын күңелемнән котлыйм...!!!!Эшләрегездә, укуларыгызда зур уңышлар, саулык сәламәтлек телим. Күңелегезнең аяз күген беркайчан да кара болытлар капламасын. Һәр туар таң сезгә бетмәс-төкәнмәс сөенеч-куанычлар гына алып килсен. Гаиләләрегездә бик-бик бәхетле, кирәк һәм сөекле кешеләр булып яшәгез. Кайгы-хәсрәт сезне һәрчак чикләп үтсен. Бәйрәм белән Сезне!!!

Кем дөньяга кеше бүләк итә

Ә кешегә якты дөньяны?

Тойгылары кояш кебек кайнар,

Эретерлек гранит кыяны?

Кем күңеле тулган айдай серле

Язлар сыман назлы, ягымлы?

Шатлыкларын башкаларга бүлеп,

Кайгыларга түзем, сабырлы?

Кем елмайса, җәйге таң аткандай,

Балкып китә шундук тирә- як?

Нәфислеге гөлләр сокланырлык,

Көләчлектә аңа тиңнәр юк

Кем куллары өйне, җирне ямьли,

Игелеге үлчәү тапкысыз?

Ул, әлбәттә, яшәү чыганагы,

Тормыш яме - Әнкәй, хатын – кыз!(Г.Галимова)