9 октябрь көнне Бөтендөнья татар конгрессы Башкарма комитеты, “Ак калфак” татар хатын-кызлар оешмасы белән берлектә “Шәҗәрә – безнең тамырлар” дип исемләнгән  чара үткәрелде. Әлеге чарада катнашу өчен Татарстан Республикасы районнарыннан гына түгел, ә чиктәш өлкәләрдән, башка республикалардан да вәкилләр килде. Кунаклар район мәдәният үзәгендә мәктәпләр һәм балалар бакчаларының милли тәрбиягә багышланган күргәзмә-ярминкәсе белән таныштылар. Шәҗәрәләр белән танышу Карадуган мәктәбендә дә дәвам итте. Кунаклар “Себер тракты тарихы һәм Муса Җәлил” музеенда һәм Чепья авылындагы “Халыклар дуслыгы” музейларында булып, районыбыз тарихы белән таныштылар.