21 февраль көнне Кукмара бистәсендә мәгариф хезмәткәрләренең Республикакүләм кышкы Спартакиадасы булып узды. Әлеге ярышта 49 команда көч сынашты. Ярышлар ике төркемдә: укучы балалар саны 3500 дән әзрзк, һәм бала саны 3500 дән артык булган командалар арасында алып барылды.

Кышкы спорт төрләре арасында чаңгыда  Vip йөгереш, командалар арасында  чаңгы ярышы, конькида ярышу, идәннән күтәрелү, турникта тартылу, өстәл теннисы, шахмат, канат тарту кебек ярышлар бар иде.

Безнең районыбыз данын яклап чыгыш ясаган мәгариф хезмәткәрләре, яхшы нәтиҗәләр күрсәтү өчен, үзләренең көчләреннән килгәннең барсын да эшләделәр. Бик матур уен күрсәтеп, республикакүләмендә 5 нче призлы урын алып кайтуга ирештеләр. Әлеге нәтиҗәләргә бары тик бердәмлек, булдыклылык аркасында гына ирешелгән дип әйтәсе килә.

Спорт төрләре буенча беренче өчлеккә керүче ярышлар арасында чаңгыда  Vip йөгерештән Зәкиева Алия Юнысовна I  урынны, чаңгы эстафтасында командабыз  III урынны, идәннән күтәрелүдә Кече Лызи мәктәбе командасыннан Набиева Альбина  II урынны яулады.  Командабызның йөзенә кызыллык китермичә, җиңүгә алып барган барлык мәгариф хезмәткәрләребезгә ихлас күңелдән рәхмәтебезне белдерәбез. Афәрин!