8-12 нче февраль көннәрендә Казан шәһәрендә татар мәктәпләрендә укучылар өчен татар теле һәм әдәбиятыннан республика  олимпиадларының йомгаклау туры үткәрелде. Татар теленнән Яңгул, Норма, Пыжмара, Смәел, Нөнәгәр мәктәпләреннән 8  укучы катнашты. Норма урта мәктәбенннән Әсхадуллина Гөлназ, Мәхмутова Илүзә, Хафизова Әлфия (укытучылары  Нәсыйхова Г. Р., Җәләева Г. Г., Әсадуллина Э. В.) һәм Нөнәгәр урта мәктәбеннән Гайфетдинова Диләрә (укытучысы Гыйльфанова Р. Н.) республика призерлары дипломнарына лаек булдылар.

Татар әдәбиятыннан Норма, Түнтәр, Куныр, Смәел мәктәпләреннән 6 укучы катнашып, Норма урта мәктәбеннән Галипова Илүзә (укытучысы Җәләева Г. Г.) I урынны яулады. Смәел мәктәбе укучысы Нәкыйпова Ләйсән (укытучысы Нәбиева Г. Х.), Куныр мәктәбеннән Низамиева Илүзә (укытучысы Саттарова Ә.Р.) призер дипломнары алып кайттылар.

Кызларны җиңүләре  белән котлыйбыз, укуларында уңышлар телибез!