Татар теле һәм әдәбияты  укытучылары  семинары

30 нчы гыйнвар көнне Бөрбаш урта гомуми белем мәктәбендә татар теле һәм әдәбияты  укытучыларының  «Федераль дәүләт стандартларына күчү шартларында  татар теле һәм әдәбиятын укытуда традицион һәм инновацион методлар куллану» темасына       семинар-киңәшмә үткәрелде.

Киңәшмәләр эшчәнлегендә барлык урта һәм төп мәктәпләрнең   татар теле һәм әдәбияты укытучылары катнашты. Татар теле һәм әдәбияты укытучылары игътибарына 6,7,8 нче сыйныфларда Г. Г. Бариева, З. З. Нуретдинова, В. Н. Хәйруллина ачык дәрес һәм чаралар күрсәттеләр.  

Семинарда катнашучылар игътибарына  “Җиңү таңы шатлык китерсә дә, һаман сызлый әле яралар...” дип аталган  Бөек Җиңүнең  70 еллыгына багышланган әдәби – музыкаль кичә тәкъдим ителде.

Түгәрәк өстәл барышында, дәрес һәм чараларга анализ ясалды, укытучыларга тәкъдимнәр җиткерелде.   Семинарда катнашучылар    дәресләрдә әдәп, әхлак, милли тәрбиягә     басым ясалуын, белем бирү белән беррәттән укучыларга әхлакый төшенчәләрнең дә тирәнтен бирелүен  ассызыкладылар.