17 нче апрель көнне Казан шәһәрендә, Идел буе физик культура, спорт һәм туризм университеты базасында,  Бөтенроссия туган тел форумы барышында татар теленнән XII Халыкара олимпиада   җиӊүчеләрен котладылар. 8-11 нче сыйныф укучылары 4 көн дәвамында татар теле, татар әдәбияты, Татарстан тарихы буенча язма һәм телдән биремнәр үтәделәр, иҗади проектлар якладылар. Олимпиадада  Татарстанның 38 районыннан, Россиянең 27 төбәгеннән һәм 4 чит илдән 450 укучы һәм 50 студент катнашкан. 
Норма урта гомуми белем мәктәбенең 8 нче сыйныфы укучылары Хәбибуллина Дилә, Саттарова Диләрә XII Халыкара олимпиадада призлы урын яуладылар. Кызларны һәм аларның укытучысы Насихова Гөлүзә Равил кызын зур җиӊүләре белән котлыйбыз, уӊышлар телибез!