Туган телдә белем бирүче педагоглар арасында үткәрелгән, Татарстан Республикасы территориясендә яшәүче халыкларның телләрен саклап калуны һәм үстерүне күз алдында тоткан проектларны тормышка ашыруга юнәлдерелгән республика конкурсы нәтиҗәләре билгеле булды. Бу бәйгенеӊ җиӊүчеләренә 50  меӊ сум күләмендә грант бирелчәк. Исемлектә Балтач районы мәгариф оешмалары тәрбиячеләре һәм укытучылары да бар: Кариле балалар бакчасы тәрбиячесе Гатауллина Гөлназ Госман кызы, катнаш төрдәге Карадуган балалар бакчасыныӊ музыка җитәкчесе Васильева Илһамия Таһир кызы, Түнтәр мәктәбенеӊ математика укытучысы Гарифуллина Раилә Рифкать кызы, Балтач гимназиясенеӊ татар теле һәм әдәбияты укытучысы Гыйниятуллина Диләрә Ханнан кызы. Тәрбиячеләрне һәм укытучыларны зур җиӊүләре белән котлыйбыз, җаваплы хезмәтләрендә уӊышлар телибез!