15-16 нчы ноябрьдә Киров өлкәсендә  татар мәгарифе көннәре  уздырылды. Чараның максаты - Киров өлкәсендә этномәдәни белем бирү торышын өйрәнү, мәгариф өлкәсендә тәҗрибә уртаклашу, мәгариф оешмалары директорларына һәм укытучыларына методик ярдәм күрсәтү. Татарстан Республикасы Мәгариф һәм фән министрлыгыныӊ төбәкара хезмәттәшлек бүлеге җитәкчесе Мусина Гөлия Фәргатовна җитәкчелегендә 6 кешедән торган делегация составында мәгариф идарәсе методисты Сабирова Фидания Табрисовна,  Нөнәгәр урта мәктәбе директоры Сөләйманов Айрат  Габделмаратович та Киров өлкәсенеӊ татарлар күпләп яшәгән авылларында булып, мәгариф оешмаларыныӊ эшчәнлеге белән таныштылар. Чара барышында татар теле укытыла торган мәктәпләрнеӊ  коллективлары катнашында түгәрәк өстәлләр уздырылды, төбәкләр белән хезмәттәшлек эшчәнлегенә нәтиҗәләр ясап, алдагы елларга уртак чаралар планы турында килешенде.