Район башлыгы Рамил Рашит улы Нотфуллин  "Үз белемең белән бүлеш" Бөтенрәсәй акциясе кысаларында мәктәбебезнең 11 нче сыйныф укучыларына "Районның социаль-икътисадый үсеше, перспективалар хакында" дәрес уздырды.

"Кадерле укучылар! Без сезгә зур өметләр баглыйбыз. Нәкъ менә сез – районыбызның, республикабызның киләчәген, яңа казанышларын, тарихын һәм мәдәни мирасын формалаштырачак яңача уйлаучы, яңача фикерләүче буын. Мәктәптә, яңа уку елында алган белемнәрегез тормышта сезгә бары уңышлар гына китерсен. Һәр яңа уку елына район мәгарифендә җитди максат – бурычлар билгеләнә, уккчыларга тиешле белем һәм күнекмәләр бирүгә, талант һәм сәләтләрне үстерүгә җитди игьтибар бирелә. Быелгы уку елы да  уку алдынгыларына, төрле олимпиада һәм конкурслар җиңүчеләрнә бай ел булыр, бала – укытучы – ата-аналарның бердәм эшчәнлеге белем бирүдә генә түгел, тәрбия бирүдә дә үз нәтиҗәсен бирер дип ышанам" – дип ассызыклады район башлыгы.