Россия Федерациясе Президенты Владимир Владимирович Путин Указы нигезендә 2023 нче ел “Педагоглар һәм остазлар елы” дип игълан ителде.   Шул унайданМәгариф хезмәткәрләре профсоюзының республика комитеты тарафыннан “Икесенә бер профессия” исемле акция игьлан ителеп, районыбыз мәгарифенә үзләреннән саллы өлеш керткән мөгаллимнәр династияләрен, укытучы гаиләләрен тагын бер кат барларга мөмкинлек туды. Бүгенге көндә районда 40 ка якын укытучы династиясе, 40 тан артык укытучы гаиләсе бар. 16 май көнне Хыял Яшьләр үзәгендәрайонның ЗАГС, Яшьләрһәм  спорт, мәдәният бүлекләре белән берлектә–Халыкара гаилә көне унаеннан Балтач районының иң матур гаиләләре - үзләренең тормышларын балаларга белем-тәрбиягә бирүгә багышлаган парлы укытучы гаиләләре очен “Гаилә-гаҗәеп галәм”исемле бәйрәм үткәрелде.

Озак еллар мәгариф өлкәсендә хезмәт итүче парларыбызның күп булуы безне сөендерә. Алар сайлаган профессияләренә тугры калып, 20 елдан артык балаларга аң-белем бирсәләр, авыл халкы, әти- әнилэр өчен үрнәк гаилә булып торалар.Парлы укытучыларның  15 е физик, информатик, математик, 9ы физкультура укытучысы булып эшли.Районыбызда 9 мәктәп директорының тормыш иптәше  укытучы.

Укытучы профессиясен сайлап, соңгы елларда гаилә корып, матур эшчәнлекләре белән сөендерүче районыбызның яшь гаиләләрен атап китми мөмкин түгел. Борбаштан Гайфуллин Ильнар Латыйпович һәм Зәлидә Мөнировна, Губайдуллин Ранил Мөнирович һәм Зөһрә Рашитовна,Субаштан Фаязов Ленур Әхмәтович һәм Илюзә Ильгизовна, Көшкәтбаштан Шиһапов Илһам Ильшатович һәм Гөлия Фидаиловна, Карадуганнан Сабиров Дилюс Динусович һәм Әнисә Газинуровналар, Түнтәр авылыннан Ибраһимов Айзат Василович һәм Илсөяр Рашитовна кебек яшьләрнең гаилә корып , мәгарифтә намуслы хезмәт итүләре безне сөендерә.БәйрәмдәБалтач районы башлыгы Рамил Рашит улы Нотфуллин, Республика “Нечкәбил” конкурсы җитәкчесе Жуйкова Изольда Павловна, мәгариф хезмәткәрләре профсоюзының республика комитеты социаль яклау буенча төп  белгече Гафарова Голсинә Асхатовнакатнашып , иң матур теләкләрен җиткерделәр.Озак еллар мәгарифтәэшләүче Сөләйманов Рәдиф – Илсөяр, Залялов Камил- Әнисә, Сөләйманов Айрат-Рәзилә, Ахметханов Бильсур-Нурзалия  гаиләләренә район профсоюз оешмасы тарафыннан 29 июньнән 1 июльгә кадәр Казан Тубән Новгород маршруты  буенча теплоходта сәяхәткә сертификат тапшырылды.