Мәгариф оешмаларында инвалидлар декадасында төрле чаралар үткәрелә. Әлеге чаралар балаларны тәрбияләүдә мөһим урын алып торалар. Декада кысылырында үтүче чараларда һәр  кешегә игътибарлы, шәфкатьле, миһербанлы булырга кирәклеге турында тагын бер искәртелеп кителә.

“Мөһим сөйләшүләр”, сыйныф сәгатьләре әңгәмәләре тематикасы инвалидлар декадасына багышлана. Моннан тыш районыбызда төрле өлкәләрдә танылган мөмкинлекләре чикле райондашларыбыз белән очрашулар, дөньякүләм танылган инвалидлар турында мәгълумат бирү, фильмнар карау, алар буенча фикер алышулар оештырыла. Мәктәпләрдә декадага багышланган рәсем, кул эшләре, китап күргәзмәләре оештырыла.

Волонтерлык хәрәкәте, “Тимурчылык”эше, ярдәмгә мохтаҗ олылырга, инвалидларга булышуукучылар тарафыннан һәрдаим башкарылып килә.

Өйдә белем алучы балаларга сыйныфташлары тарафыннан өйләренә бару ел дәвамында оештырыла.

Башка оешмалар да декада кысаларында мәктәпләр чакыруы буенча мөмкинлекләре чикле балалар өчен төрле чаралар оештыралар: Хыял яшьләр үзәге, социаль яклау бүлеге белгечләре һәм башкалар.

Психологик-педагогик үзәк белгечләре, 5нче номерлы балалар бакчасында урнашкан консультацион пунктта мөмкинлекләре чикле балаларнын әти-әниләренә  ел дәвамында ярдәм күрсәтеп киләләр.