Башлангыч мәктәп-балалар бакчасы җитәкчеләренең район семинары

      24 ноябрьдә Алан башлангыч мәктәп –балалар бакчасы базасында “Балалар бакчасы һәм мәктәп эшчәнлеге арасында дәвамчанлыкта универсаль уку гамәлләрен формалаштыру” темасына семинар узды. Семинарда районның башлангыч мәктәп-балалар бакчасы җитәкчеләре катнашты.

      Семинарда катнашучылар игътибарына Хәбибрахманова Рәисә Мәннур кызы, Хәбибуллина Тәнзилә Мәгъсүм кызы, Газимова Гөлүзә Фәрит кызы, Кәримова Фәнилә Васил кызы тарафыннан әдәби уку, математика, татар теле, әйләнә-тирә дөнья дәресләре, Нигмәтҗанова Энҗе Гарифҗан кызы, Галиева Гөлнара Таһир кызы тарафыннан балалар бакчасында математикадан, рәсемнән шөгыльләр тәкъдим ителде.

     Шулай ук  балалар көче белән татар халкының гореф-гадәтләрен, йолаларын, бәйрәмнәрен чагылдырган бик эчтәлекле чара күрсәтелде.

   Семинарда катнашкан җитәкчеләр дәресләрне, шөгыльләрне, класстан тыш чараны уңай яктан бәяләде.