Методистлар форумы

11 нче август көнне Мәгариф һәм фән министрлыгы ел саен үткәрә торган август киӊәшмәләре кысаларында  Казан шәһәренеӊ «Адымнар» поллингваль комплексында «Татарстан Республикасында методик хезмәтне үстерү» буенча методистларныӊ I республика форумы узды. Форумныӊ төп максаты- республикада бердәм методик эш системасын саклау, ярдәм итү һәм үстерү. Әлеге чарада Татарстанныӊ муниципаль методик хезмәт җитәкчеләре, 500 дән артык методист, Россия Мәгариф һәм фән министрлыгы академиясе, Россия төбәкләреннән-Төмән, Удмуртия, Пермьнән вәкилләр тәҗрибә уртаклашты. Балтач муниципаль районы мәгариф идарәсенеӊ мәгълүмати методик бүлеге методистлары да әлеге чарада катнаштылар.

Форум кысаларында методик хезмәт ветераннарын хөрмәтләү тантанасы оештырылды. Татарстан Республикасы мәгариф һәм фән министры Илсур Һадиуллин методик хезмәт системасында хезмәт куйган 25 ветеранга күпьеллык һөнәри эшчәнлеге өчен «Мактаулы остаз» билгесен тапшырды. Бу дәрәҗәле исем  озак еллар Балтач район методик үзәген җитәкләгән Гарипова Гадения Галип кызына да бирелде.