Ветеран укытучылар өчен ачык дәрес

4нче октябрь көнне Норма урта мәктәбендә лаеклы ялда булган рус теле һәм әдәбияты укытучылары өчен махсус семинар уздырылды. “Элеге семинарны оештырырга өч ел хыялландым. Барысын бер җыеп хәтирәләрне яңартасы килде”,-ди лаеклы ялдагы мөхтәрәм методистыбыз Гарипова Гадения Галип кызы. Ул елдагы укытучыларны Гадения Галиповна “Ас- укытучылар” дип атый.

Лаеклы ялдагы рус теле һәм әдәбияты укытучылары саны исемлектә 50дән артык булса да чарага бары 20 генэ килә алды. Норма мәктәбе коллективы кызыклы программа әзерләгән.Ветераннарга рус теленнән ачык дәресләр күрсәттеләр, мәктәп эшчәнлеге белән таныштырдылар,җыр һәм бию белән үрелгән котлаулар яңгырады.

Кунаклар мәктәп ашханәсендә чәй артында рәхәтләнеп сөйләшеп  үткәннәрне искә тошерделәр.Аларга карапсокланып утырдым: лаеклы ялдагы олы яшьтәге ханымнар димәссен. Әйтерсен, әле генә дәрес укытып чыккан, яшьлекләренә кайткан укытучылар. Ас-укытучылар!

(АС, -а, м. 1. Выдающийся по летному и боевому мастерству летчик. Прославленный а. 2. перен., чего и в чем. Большой мастер, отличный специалист. Ас своего дела или в своем деле).

Римма Әшрәпова,

мәгариф идарәсе методисты