15 нче август көнне Балтач урта мәктәбендә татар теле һәм әдәбияты  укытучыларының «Туган тел (татар теле) һәм әдәбиятыннан белем сыйфаты: нәтиҗәләр һәм бурычлар” темасына  традицион август киңәшмәсе секциясе узды.

Киңәшмәдә укытучылар “Ел укытучысы” бәйгесе җиңүчеләре һәм номинантлары – Балтач мәктәбеннән Шакирҗанова Резеда Рафаэль кызы, Карадуган гимназиясеннән   Хаҗиева Фәридә Фәрит кызы, Урта Көшкәт мәктәбеннән Гафиуллина Гөлнар Мансур кызы    уздырган мастер-классларда катнаштылар. Яңгул мәктәбенең татар теле һәм әдәбияты укытучысы Хаҗиева Ләйсән Мансур кызы,  Салавыч күппрофильле лицее укытучысы Фатыйхова Зөбәрҗәт Шәһидулла кызы чыгыш ясадылар.

 Татар теле һәм әдәбияты укытучыларының район методик берләшмә житәкчесе Идрисова Нурсөя Мөхәрләмовна 2018-2019 нчы уку елы нәтиҗәләре, яңа уку елына эш планы белән таныштырды. Мәгариф идарәсе  методисты   Сабирова Ф. Т. республика күләмендә милли мәгариф юнәлешендәге эшчәнлек, республика август киңәшмәсе тәкъдимнәренә тукталды.