17 нче август көнне Балтач гимназиясендә татар теле һәм әдәбияты укытучыларының«Федераль дәүләт белем бирү стандартларын гамәлгә ашыру шартларында татар телен һәм әдәбиятын укыту»темасына традицион август киңәшмәсе секциясе узды.

Укытучылар “Ел укытучысы” бәйгесе номинантлары –Балтач гимназиясеннәнИдрисова Нурсөя Мөхәрләм кызы, Куныр мәктәбеннән Закирова Гөлшат Габделбәр кызы уздырган мастер-классларда катнаштылар. Балтач мәктәбенең татар теле һәм әдәбияты укытучысы Хәйретдинова Гүзәлия Мөхәммәт кызы, Салавыч күппрофильле лицее укытучысы Фәрзиева Алсу Габделбәр кызы, Пыжмара төп мәктәбе  укытучысы Зәкиева Әлфия Нурзада   кызының  чыгышларын тыңладылар.

Татар теле һәм әдәбияты укытучыларының район методик берләшмә житәкчесе Идрисова Нурсөя Мөхәрләмовна 2016-2017 нче уку елы нәтиҗәләре, яңа уку елына эш планы белән таныштырды. Мәгариф идарәсе  методисты Фидания Сабирова республика күләмендә милли мәгариф юнәлешендәге эшчәнлек, Балтач районының әлеге юнәлештә булган уңышлары һәм бурычлар, республика август киңәшмәсе тәкъдимнәренә тукталды.Киңәшмәдә Мәгарифне үстерү институты галимнәре тарафыннан эшләнгән методик материал тәкъдим ителде.