30 гыйнвар көнне волейбол ярышлары белән укытучыларның кышкы спартакиадасының муниципаль этабы башланып киткән иде. 31нче гыйнварда чаңгы, шорт-трек ярышлары узды. 1нче февраль көнне “Балтач” спорткомплексында өстәл теннисы, турникта тартылу, отжимание, канат тарту, волейбол ярышының финал этабы узды.

Урта мәктәпләр арасында гомуми зачетта түбәндәге мәктәпләр җиңү яуладылар:

1 урын – Балтач гимназиясе

2 урын – Чепья мәктәбе

3 урын – Урта Көшкәт мәктәбе

Төп мәктәпләр арасында җиңү яулаган командаларыбыз:

1 урын – Сосна мәктәбе

2 урын – Субаш мәктәбе

3 урын – Шубан мәктәбе

8 февраль көнне Кукмара районында зона ярышлары узачак. Ярышларга әзерлек максатыннан,  иртәгә -  3 февраль көнне хоккей һәм волейбол ярышлары  буенча тренировкалар башланып китә. Командаларыбызга зона ярышларында да зур уңышлар телибез.