Һәркемгә билгеле, экологик проблемалар-кешелекнең иң мөһим проблемаларының берсе. Экологик белем һәм тәрбия бирүне көчәйтү зур әһәмияткә ия, шуңа күрә балаларны мәктәпкәчә яшьтән үк үзебез яшәгән як табигатен белергә, аның байлыкларыннан дөрес файдаланырга һәм сакларга өйрәтү бик тә мөһим. Әгәр дә без – тәрбиячеләр, ата-аналар – балаларны кечкенәдән үк табигать күренешләре белән кызыксындырып, һәрбер тереклеккә мәхәббәт хисен тәрбияләсәк, аларга карата мәрхәмәтлелек уята алсак, балалар зур үскәч, тирә-юньгә яхшы мөнәсәбәттә булырлар дип, ышанып әйтә алабыз. Табигатьне күзәтү, аны өйрәнү, сакларга омтылу балаларның рухи дөньясын баета, уйларга өйрәтә. Шушы максат белән безнең “Балтач 3 нче балалар бакчасы” 2014 нче елдан бирле халыкара программа - “Эко- школы/Зелёный флаг” программасы буенча эшли. Без әти-әниләр белән берлектә Республика күләм конкурсларда актив катнашабыз, ташландык материаллардан кул эшләре эшлибез, кызыклы акцияләр оештырабыз. Эшебезнең нәтиҗәсен халыкара диплом һәм зелёный флаг алуыбыз күрсәтә. Зелёный флаг – бөтен Европада һәм аның чикләрендә яхшы таныш булган, абруйлы экологик символ. Бу флагны алу безнең балалар бакчасы өчен зур җиңү!