Дәүләт телләре буенча олимпиада нәтиҗәләре

7-8 нче октябрьдә Казан шәһәрендә  дәүләт телләре буенча Бөтенрәсәй күләмендәге олимпиаданың региональ этабы үткәрелгән иде. Бу олимпиадада 10-11 нче сыйныф һәм югары уку йортлары студентлары (республика буенча 500 ләп кеше) катнашты. Укучыларга рус телендә эссе, тест сораулары һәм тәрҗемә биремнәре тәкъдим ителгән. Күптән түгел генә әлеге ярышның нәтиҗәләре билгеле булды. Безнең районнан олимпиадада 23 укучы катнашып, Норма мәктәбеннән Ризванова Зәлия, Фатыйхова Лилия, Әсхадуллина Гөлназ, Мәхмүтова Илүзә, Балтач мәктәбеннән Йосыпова  Динә, Ибраһимова Энҗе, Ибраһимова Зилә, Хәйретдинова Лилия, Балтач гимназиясеннән Мәхмутова Лилия, Муллагалиева Камилә, Куныр мәктәбеннән Михайлова Снежана, Бөрбаш мәктәбеннән Латыйпова Алсу региональ этапның призерлары булдылар.

Балтач мәктәбенең 11 нче сыйныфы укучысы Йосыпова Динә  (укытучылары Хәйруллина Гөлнар Илдар кызы) региональ этапның призеры  буларак, 2-4 нче ноябрьдә Мәскәү шәһәрендә үтәчәк олимпиаданың йомгаклау этабында катнашачак.