Нөнәгәр урта мәктәбенең 2005нче елгы чыгарылыш укучысы Фасихов Рәсим 11нче сыйныф укучылары белән очрашу үткәрде. Укучылар яшьләргә кагылышлы сораулар бирделәр. Шулай ук сәнгать дөньясы белән танышу да бик файдалы булды.

Норма мәктәбе базасында Васыйл Гарифуллин истәлегенә узган район спорт көрәше ярышларында укучыларыбыз уңышлы чыгыш ясады.

23 нче март көнне Кукмара районы Ядегәр мәктәбендә булып узган "Эзләнүләр аша камиллеккә" фәнни-гамәли конференциясендә Гыйльфанова Р.Н. 1 урын , Григорьева А.В. 2 урын яуладылар. Дүрт укучыбыз төрле секцияләр эшендә катнашып лауреат дипломына лаек булды.

Казан шәһәрендә КФУ да үткәрелгән математик мәсьәләләр конкурсында 5нче класс укучысы Гомәров Фәриз - җиңүче, Мәҗитова Гүзәл - призер булдылар

Хөрмәтле хатын-кызлар! һәммәгезне дә 8 март бәйрәме белән котлыйбыз.

Бәйрәмегез котлы булсын,

Елмаеп, көлеп торсын.

Язгы кояш нурларыдай

Зур эшләргә рухландырсын.

Сәламәтлек юлдашыгыз,

Тату матур тормышыгыз,

Күңел сөйгән хезмәтегез –

һәрбарчасы мулдан булсын.

Бүген авылыбызның мәдәният йортында совет гаскәрләренең Әфган җиреннән чыгуга 30 ел тулуга багышланган чара үткәрелде. Әфган сугышы – барлык милләт кешеләре өчен дә уртак. Һәр шәһәр, район, авылга кагылган аның рәхимсез җиле. Күп йортларга кергән аның кайгысы. Бу афәт күпме яшь гомерләрне өзде, әти-әниләренә гомерлек кайгы китерде. Исән-сау кайтучылар бәхетле, тик шулай да аларның да матур еллары сугышта үткән, ул көннәр тормышларында иң авыр хатирәләр булып калырлар.

Бүген мәктәбебездә Рәсәй Федерациясе Дәүләт думасының алтынчы чакырылыш депутаты, физик культура, спорт һәм яшьләр эшләре комитеты рәисе урынбасары, «Сәләт» Фондының Попечительләр советы рәисе Марат Мансур улы Бариев булып китте. Ул ремонт эшләре барышы белән танышты