Үсмерләрнең киләчәк язмышын - укуын, хезмәтен, булачак һөнәрен билгеләгәндә, мәктәпнең һәм җәмәгатьчелекнең ярдәме зур. Бүгенге үсмерләрнең белмәгән нәрсәләре юк,  ләкин алар  үз тормышларын оештыруда, киләчәккә омтылуда көчсезләр. Укучы яшьләрнең аеруча авырсынган яклары - һөнәр сайлау, тормышта үз урыннарын билгеләү. Шуңа күрә, мәктәбебез бу мәсьәләгә зур игътибар бирә.

       Төрле һөнәр ияләре белән очрашып, һәр профессиянең үзенчәлеге хакында даими әңгәмәләр алып барыла. Бүген мәктәбебездә гомерләрен кеше сәламәтлеген саклауга багышлаган, Гиппократ антына тугрылыклы кешеләр - шәфкать туташлары белән очрашу булды. Балаларга Мотыйгуллина Рания, Абдрахманова Рушания, Закирҗанова Зөһрә үз һөнәрләренең нечкәлекләрен, кирәклеген аңлаттылар. Бу һөнәрне сайлау өчен нинди фәннәрне үзләштерү зарурлыгын төшендерделәр.

  Бүген IX сыйныф укучыларының ата-аналар җыелышы узды. Әти-әниләр бу уку елында имтиханнар бирү яңалыклары  белән таныштырылды.

   “Сабантуй ” журналы –балаларның һәм яшүсмерләрнең дусты. Һәрбер басма, вакытлар үткән саен замана белән бергә атларга тырыша. “ Сабантуй” журналының эчтәлеге бик бай: шигырьләр, хикәяләр, кроссвордлар, табышмаклар һ.б. Чөнки аның автор-язучылары - балалар үзләре.

    Бүген мәктәптә  Пенсия фонды идарәсеннән килгән белгечләр: Егорова Зөлфия Радиковна һәм Әминова Рәмзия Раниловна укучылар алдында Пенсия фонды яңалыклары турында чыгыш ясадылар, укучыларны кызыксындырган сорауларга җавап бирделәр.

Һөнәр сайлау - бик әһәмиятле һәм җаваплы бурыч. Әмма һөнәр сайлаганда үзенчәлекле бер киртә кала бирә: ул - профессияләрнең бик тә күп булуы. Кешенең хәбәрдар, мәгълүматлы булуы гына бу кыенлыкны җиңеп чыгарга ярдәм итә.
 Бүген "Һөнәрләр кичәсе"нең кунаклары - ветеринария өлкәсендә эшләүче врачлар: Низамиева Гөлсинә Вакиловна һәм Галимов Шәүкәт Тәлгатович. Алар үзләренең мәктәптә "4"ле һәм "5"легә генә укулары, уку йортларында студент булулары, үзләренең һөнәрләренең үзенчәлекләре турында бик күп мәгълүмат, белешмә бирделәр һәм соңыннан безгә тәҗрибә күрсәттеләр. Очрашу бик файдалы булды, балаларга бик ошады.

В школу пригласили электриков из Балтасинского РУЭС.Они провели инструкции по пожарной безопасности в 1-9 классах.