Көзге каникулда уздырылган районкүләм "КЭС-БАСКЕТ" ярышларында физкультура укытучысы Ибрагимов Фәнил Фаил улы әзерләгән мәктәбебезнең егетләр командасы - II урынны, ә кызларыбыз командасы - III урынны яуладылар. Афәрин!

  Көзге каникул көннәрендә IX сыйныф укучылары белән математика фәне буенча консультацияләр узды.

   В школе прошел методический семинар на тему "Личностно-ориентированная технология".

   Во время осенних каникул прошли консультации по русскому языку.

       Үсмерләрнең киләчәк язмышын - укуын, хезмәтен, булачак һөнәрен билгеләгәндә, мәктәпнең һәм җәмәгатьчелекнең ярдәме зур. Бүгенге үсмерләрнең белмәгән нәрсәләре юк,  ләкин алар  үз тормышларын оештыруда, киләчәккә омтылуда көчсезләр. Укучы яшьләрнең аеруча авырсынган яклары - һөнәр сайлау, тормышта үз урыннарын билгеләү. Шуңа күрә, мәктәбебез бу мәсьәләгә зур игътибар бирә.

       Төрле һөнәр ияләре белән очрашып, һәр профессиянең үзенчәлеге хакында даими әңгәмәләр алып барыла. Бүген мәктәбебездә гомерләрен кеше сәламәтлеген саклауга багышлаган, Гиппократ антына тугрылыклы кешеләр - шәфкать туташлары белән очрашу булды. Балаларга Мотыйгуллина Рания, Абдрахманова Рушания, Закирҗанова Зөһрә үз һөнәрләренең нечкәлекләрен, кирәклеген аңлаттылар. Бу һөнәрне сайлау өчен нинди фәннәрне үзләштерү зарурлыгын төшендерделәр.

  Бүген IX сыйныф укучыларының ата-аналар җыелышы узды. Әти-әниләр бу уку елында имтиханнар бирү яңалыклары  белән таныштырылды.

   “Сабантуй ” журналы –балаларның һәм яшүсмерләрнең дусты. Һәрбер басма, вакытлар үткән саен замана белән бергә атларга тырыша. “ Сабантуй” журналының эчтәлеге бик бай: шигырьләр, хикәяләр, кроссвордлар, табышмаклар һ.б. Чөнки аның автор-язучылары - балалар үзләре.