Нәүрүз килде, тиз килде,

Нәүрүз килде, яз килде!

Яз белән муллык килде,

Яз белән көрлек килде!

Бүген мәктәпкә әзерлек төркеме балалары  бакчабыз балаларына “Камырматур” әкиятен театр итеп уйнап күрсәттеләр. “Нәни артистлар” үз рольләрен зур осталык белән башкардылар, ә тамашачыларга театр бик ошады.

II нче кечкенәләр төркеме балалары үзләренең нәни дусларын, сыерчыкларны, сыерчык оялары белән шатландырдылар.

“Рус теле атналыгына” йомгак ясап спорт майданчыгында балаларга “Масленица”  бәйрәме үткәрелде. Бәйрәм рус халык уеннары, җырлары һәм җылы коймаклар ашау белән үрелеп барды.

II нче кечкенәләр төркемендә балалар әйләнә-тирәдәге тормыш турындагы күзаллауларын төрле-төр сюжетлы-рольле уеннар аша тулыландыралар.

“Рус теле атналыгы” кысаларында мәктәпкә әзерлек төркеме балалар өчен рус телендә театральләштереп “Золушка” әкиятен  күрсәтте. Балалар бик мавыктыргыч һәм матур итеп уйнадылар. Балаларның киемнәрен әзерләүдә әти-әниләрнең ярдәмнәре бик зур булды. 

«Рус теле атналыгы» кысаларында рус теленә өйрәтүче тәрбияче Гөлнур Махмутовна Агния Бартога багышланган кичә уздырды. Балалар алдан рус телендә А.Бартоның шигырьләрен өйрәнеп кичәдә аларны сәнгатьле итеп сөйләделәр. Кичә презентация, язучының язылган тавышы һәм аның шигырьләренә язылган җырлар белән тулыландырылды. 

Кара карга кардан бара

Канатларын кага-кага.

“Рус теле атналыгы” уңаеннан  мәктәпкә әзерлек төркеме балалары дымков уенчыкларының килеп чыгу тарихы буенча  презентация карадылар һәм кисеп ябыштыру шөгылендә дымков орнаментлары белән уенчык атны бизәделәр.

15 март көнне “Рус теле атналыгы” барышында тәрбиячеләр балаларга рус телендә рус халык әкияте “Куян йорты” дигән курчак театры куйдылар. Театр бик күңелле килеп чыкты. Балалар театрны бик кызыксынып карадылар.