Табигатькә мәхәббәт тәрбияләү сүздә генә түгел, гамәлдә дә булырга тиеш. Бакчабызның территориясен, төркемне яшелләндерүдә катнашкан балалар чәчәкләрне таптамас, агач-куакларының ботакларын сындырмас, ясалган матурлыкны бозмас дигән максат белән “Дөньяны матурлыкка күм” дигән проект эше башлап җибәрдек. Һәм эшне кечкенә генә орлыклардан башладык. Кечкенә генә бөртек нәни үсентегә әверелеп, аннан инде территорияне ямьгә күмеп утырачак - булачак чәчәкне балалар кызыксынып күзәтте. Аларны тәрбияләүдә: су сибү, төпләрен йомшартуда, чеметүдә алар актив катнашты. Үсентеләрне күзәтү вакытында балалар әйләнә-тирә дөнья турында белемнәрен киңәйтте. Әлеге проектның бер өлешен бүген бакчабызда үткән республикакүләм семинарда күрсәтеп һәм сөйләп уздык. 
Тәрбиячеләр: Ахметзянова Л. Д. 
Валиуллина Ф. Н.