Балаларның сәламәтлеген саклау өчен  җылы көннәрдә сәламәтлек сукмагыннан үтәбез. 

Сулар сибеп үстерәбез

Бакчадагы гөлләрне. 

Үсәбез алар янында 

Куып күбәләкләрне. 

Районыбызда "Проектирование образовательной программы дошкольных образовательных организаций в условиях внедрения ФГОС" дип аталган белем күтәрү курслары оештырылды. Зачетка бакча тәрбиячеләре проектлар әзерләделәр һәм аларны яклап чыгыш ясадылар. Безнең бакчадан "Безнең гаилә" дип исемләнгән проект якланды һәм бик уңай бәяләнде.  

Уйнап кына тормыш бармый,

Эшләп яшәргә кирәк.

Гөлләребез шаулап үссен,

Чүбен утыйк тизерәк.

Бакчабызда сөенеч!

Бүген яңалар килде.

Зәйнәб, Камил, Диләрәгә

Һәммәбез дә сөендек.

Миннегали абыйлары

Ясаган матур итеп. 

Я, кайсыгыз әйтә ала - 

Без бүген кая киттек?

Бөтенрәсәй күләмендә уздырылган "Арт - талант" балалар өчен рәсем  конкурсында безнең бакча балалары да үзләренең нәни куллары белән ясаган  рәсемнәре белән катнашып, дипломнарга лаек булдылар. Аларны җиңүләре белән котлыйбыз һәм алда да зур уңышларга ирешүләрен телибез.

Ялдан килешебезгә ямь өстенә ямь өстәп бакчабызда пион чәчәкләре аткан. Балалар матурлыкны күреп бик сөенделәр, аларга сокланып карадылар. 

Ел саен татар халкының милли бәйрәме - Сабан туен бакчабызда үткәрү гадәткә керде. Бүген дә табигатьнең иң матур җирендә - тау башында бәйрәм иттек.  Балаларыбыз Сабантуйда уйнала торган барлык уеннар да үзләрен сынап карадылар. Әмма иң күркәме милли көрәш булды. Малайлар чын күңелдән бил алыштылар һәм иганәчеләр бүләк иткән машиналарны яуладылар. Башка уеннар да бүләксез булмады. Балаларны сөендергән иганәчеләргә һәм әти-әниләргә чын күңелдән зур рәхмәтебезне җиткерәбез, эшләрендә зур уңышлар, гаилә бәхете телибез. 

Оста куллы әтиләр ярдәме белән бакчабызда җил тегермәне пәйдә булды. Аларга зур рәхмәтебезне белдерәбез.