30 апрель көнне "Ак болыттай чагым - балачагым" дип исемләнгән иҗат-отчет концерты булды. Ел буе эшләнгән эшләргә, ирешелгән уңышларга нәтиҗә ясалды, укучыларга, укытучыларга Рәхмәт хатлары тапшырылды.

Пожар куркынычсызлыгы турында сөйләшү өчен укучылар белән очрашуга Мингазов Р.М. килде. Үзенең чыгышында ул укучыларга пожардан саклану чаралары, кагыйдәләре турында ачык, төгәл итеп аңлатты.

Тукай көннәре уңаеннан 3-4 сыйныфлар арасында "Тамчы шоу" үткәрелде. Кичәдә 4 нче сыйныфлар белемнәренең нык икәнлеген күрсәттеләр.

Яңгул мәктәбе базасында Габделфәт Рәфыйков истәлегенә оештырылган көрәш буенча бәйгедә 6 нчы сыйныфтан Нияз - беренче, 7 нче сыйныфтан  Рөстәм, 9 дан Фәнис - өченче урыннар яуладылар. Тренерлары - Гобәйдуллин Д.Д.

"Марш парков - 2015" бәйгесе нәтиҗәләре буенча  4 нче сыйныф укучылары Ризәлә шигырь иҗат итеп 2 урынга, Язгөл фотографияләр номинациясендә  3 нче урынга лаек булдылар.

24 нче апрель көнне Җиңүнең 70 еллыгына багышлап 1-5 сыйныфлар арасында мәктәп беренчелегенә көрәш бәйгесе үткәрелде. Бәйгенең оештыручысы һәм спонсоры - Гобәйдуллин Д.Д.  Бу ярыш  малайлар күңелендә  тәүге медальгә ия булулары белән аеруча истә калыр.

Телләр декадасы кысаларында 5 нче сыйныфлар "Тамчы-шоу"да катнаштылар. Бәйге Габдулла Тукай иҗаты буенча 5 нчеләрнең белемле булуларын күрсәтте. Чараны татар теле һәм әдәбияты укытучысы Габделхакова Р.Г. оештырды.

Тыл ветераннары белән очрашуда авылыбызның хөрмәтле кешесе - Рәфизия әби үзенең истәлекләре белән уртаклашты.  

Мәктәбебездә Бөек Җиңүнең 70 еллыгы уңаеннан авылыбызның иң хөрмәтле кешеләре - тыл ветераннары белән очрашу кичәсе оештырылды. Очрашуда укытучылар "Кырык бернең арбалы хатыннары" әсәреннән өзек күрсәттеләр.

Кичә 4 нче сыйныф укучылары рус теленнән мониторинг үттеләр, үзләренең нинди белемгә ия булуларын билгеләделәр.