1, 4 сыйныфлар катнашында "Юлда игътибарлы бул!" исеме астында ОГИБДД хезмәткәрләре белән очрашу уздырылды. Чарага кунак булып килгән Балтач районы буенча ОГИБДД җитәкчесе полиция капитаны Шәймөхәммәтов Рафил Равил улы укучыларга юл йөрү кагыйдәләрен үтәргә кирәклеге турында яхшылап аңлатты. Кунаклар буш кул белән килмәгәннәр - балаларга бүләкләр дә бирделәр. Очрашу кичәсен оештыручылар - башлангыч сыйныф укытучылары Әхмәтҗанова А.Ш, Әхмәтханова Ә.М.

6 нчы сыйныф укучылары көн салкын дип тормадылар -  көзге табигатькә экскурсиягә чыктылар.

Спартакиада уеннарында армспорт ярышында укыту эшләре буенча директор урынбасары Мифтахова Р.Б. - 3 нче, мәктәп директорлары арасында уздырылган VIP-йөгерүдә Хасанов Х.М. - 3 нче урыннарны яуладылар.

Район укытучылары арасында җәйге спартакиада уеннары үткәрелде. Анда 13 кешелек команда  мәктәбебез данын яклады.

Мәктәбебез сандугачы Юсупова Алсу бүләккә ия булды.

Өлкәннәр көне уңаеннан китапханәче Шәйхиева Г.С. "Ак яулыклы әбием" исеме астында бәйрәм кичәсе үткәрде. Чарага 5-9 сыйныф укучыларының әбиләре, дәү әниләре килде. 

7 октябрь көнне мәктәп укучылары белән тикшерү эшләре үткәрү өчен район мәгариф идарәсе психологлары килде.

Дәресләрдә актив булу өчен, көн саен иртән физзарядка ясыйбыз.

Мәктәп күләмендә макулатура җыю оештырылды.

Укытучылар көне уңаеннан укучылар зур бәйрәм тантанасы үткәрделәр.