Оборона -масса айлыгы башланды.Айлыкта балаларның хәрәкәт активлыгын үстерү максатыннан  күп кенә чаралар күздә тотыла.

1 февраль  көнне мәктәбебездә зур чара булып үтте.1997-1998 елдан башлап 2010-2011 уку елларын тәмамлаган укучыларыбыз белән очрашу булып узды.Очрашуда күңелле хатирәләр яңартылды, укыткан укытучыларына хәзер инде үзләре дә әти-әниләр булган ,төрлесе-төрле җирдә яшәгән һәм эшләгән элеккеге укучыларыбыз  үзләренең күңел түрләреннән чыккан рәхмәт хисләрен җиткерделәр.Мәктәбебезнең алга таба да яшәвен һәм авылыбызның яшәрүен  теләделәр. Яшь буынның мәрхәмәтле, тәртипле  чын шәхесләр булып формалашуын теләп саубуллаштылар.

Безнең  тимурчыларыбыз  файдалы  эш  башкаруларын  дәвам  итәләр.31нче гыйнвар  көнне  2нче  сыйныф  укучылары үзләренә  беркетелгән  вожатый  апалары  белән  берлектә   медпункт  тавына  баскыч  ясадылар.Чөнки  әлеге  юлдан  карт  әбиләр  һәм  бабайлар  медпунктка  баралар.Нәниләрнең  әлеге  эшләрен  күреп, өлкәннәр  рәхмәт  әйтәләр.Чөнки:”Бер  рәхмәт  ,мең  бәладән  коткара”,-диләр  бит.

   25 гыйнвар  көнне  Балтач  районы  “БУМ”  балалар гомум  оешмасы  лидерлары  ассоциациясенең  программасын  тормышка  ашыру  максатыннан  очрашу  булды.

Очрашуга  ЦВР  методисты  Сөмбел  Мөхәммәтовна  җитәкчелегендә  лидерлар  килде.Ике  арада  әңгәмә  бик  күңелле  барды: алар  үзләренең  эш  тәҗрибәләре  белән  уртаклаштылар, программаның  эчтәлеге  белән  таныштырдылар.Үз  чиратында  безнең  мәктәп  министрлары  да  үзләренең  эшләре  хакында  сөйләделәр.Очрашудан  безнең  мәктәп  укучылары  бик  күп  файдалы  мәгълүматлар  алдылар, киләчәк  өчен  планнар  кордылар.

2012 ел- Рәсәй күләмендә "Тарих елы", -дип игълан ителгән иде.  20 гыйнвар көнне мәктәбебездә әлеге елга старт бирелде.Ул  "Беркем дә ,берни дә онытылмый", - дигән исем астында үтте.Сугыш тәмамланганга 66 ел вакыт үтсә дә ,әлеге көнгә кадәр хәбәрсез югалган дип йөргән авылдашларыбызның өчесе табылды  .Район буенча табылганнарның саны- 39 га җитте.. Аларның туганнарын да мәктәбебез үзенә бик теләп  кабул итте. Чара укучылар чыгышы белән башланып китте. Иң дулкынландырганы шунда: Казанның Мемориал-музей җитәкчесе Михаил Валерьевич Черепанов  үз эшчәнлекләре хакында сөйләде һәм хәбәрсез югалганнарның туганнарына документлар тапшырды.Әлеге мизгел күпләрне тетрәндерде, тынычлыкның кадерен белергә кирәклеген тагын бер кат искәртте.

18 гыйнвар көнне мәктәптә әти-әниләрнең чираттагы җыелышы булып үтте . Җыелышта түбәндәге көн тәртипләре каралды: 1. Мәктәп директоры  Р.Ф.Бәдретдинов  чыгышы 2. Мәктәбебезнең кураторы Гөлсинә Фазлыевна чыгышы 3. Сыйныф җитәкчеләренең 1 яртыеллыкка анализлары 4.Укыту эшләре буенча директор урынбасары Р.Р.Абдрахманова чыгышы( презентация)5. Алан авылы фельдшеры Корбанова Р.К.чыгышы.Гомумән, җыелыш бик җанлы үтте. 1яртыеллыкка анализ ясалды һәм алдагы яртыеллыкка перспективалы планнар каралды.

Безнең  мәктәптә  уку елы  башыннан  һәр сыйныфка  биләмәләр бүлеп  бирелә.Кыш  җиткәч һәр укучы  өйләреннән  көрәк-себерке  алып  килә.Кар яуган саен  һәр  сыйныф мәш  килеп  үз  биләмәсен  көри.Башлангыч сыйныф укучылары да бу эшкә бик теләп катнашалар.

16нчы гыйнвар  көнне мәктәптә  эзтабарлар  белән  сбор  уздырылды.Сборда эзтабарлар үтәргә тиешле кагыйдәләр искә төшерелде һәм эзтабарларны  мәктәптә эшләп килүче укучылар үзидарәсе  эшчәнлеге  белән  таныштырылды.

14 январь көнне Чепьяда “Труд” колхозы призына кул көрәше ярышлары булып үтте. Безнең мәктәп укучылары әлеге ярыштан  зур җиңүләр белән кайттылар . Укучыларыбыз :     Нурисламов И.Д., Юнысов Б.Р., Корбанова Г.Р. , Габидуллина Ф.Ф.-I урынны,  Шәймөхәммәтов Р.Р.-    III урынны, Нурисламова Л.Д-II  урынны яуладылар.Укучыларыбызга алдагы ярышларда да зур җиңүләр телибез.            

13нче гыйнвар  көнне  мәктәбебездә  8-11нче сыйныф  укучылары  катнашында “Могҗиза” укучылар үзидарәсенең  киңәшмәсе  булды.Киңәшмәдә  каникул  вакытында  Салавыч  мәктәбендә булып  узган кышкы  лагерь һәм 6нчы гыйнвар көнне шулай ук Салавыч мәктәбендә  уздырылган “ Балтач муниципаль  районы балалар оешмасының  лидерлары  форумы”  хакында  фикер алышынды.