Хокук айлыгы кысаларында мәктәбебездә хокук бозуларны булдырмау максатыннан, районның балигъ булмаганнар эше буенча комиссия секретаре Наилә Баһаутдинова җитәкчелегендә очрашу үтте.

3 сентябрь "Экстремизмга каршы" көн буларак билгеләнеп үтә. Тәрбия сәгатьләрендә әлеге темага әңгәмә узды. Шулай ук укучылар Беслан фаҗигасендә һәлак булган яшьтәшләрен дә искә алдылар. 

Сентябрь ае мәктәбебездә "Аеклык бәйрәме"  буларак игълан ителде.  Безгә  тормышта бик күп мәсьәләләрне хәл итәргә туры килә. Һәр нәрсәне аек акыл белән, уйлап эш итәргә кирәк. Укучылар авыр ситуацияләрдән чыгу юлларын мөстәкыйль таба белергә тиешләр. Ә безнең максат аларны өйрәтү, дөрес юнәлеш бирү. Шул сәбәпле, 6-9 класс укучылары белән "Мин тормышны өйрәнәм" исеме астында  уен-бәйге үткәрелде.

Бүген мәктәбебез укучылары "Ашыт" спорт комплексы хезмәткәрләре белән очраштылар.

Бүген мәктәбебездә "Юлларда куркынычсызлык" темасына карата ЮХИДИ хезмәткәре Гараев Р. белән очрашу узды. Ул үз чыгышында укучыларга юл йөрү кагыйдәләре, яктылык кайтаргыч элементлар турында кабат искәртте, укучыларның сорауларына җаваплар бирде. Очрашу бик файдалы булды.

"Экстремизмга - ЮК!" айлыгы кысаларында бердәм дәрес үткәрелде. Укучыларга экстремизм,терроризм төшенчәләре аңлатылды. Без терроризмга, экстремизмга каршы. Күк йөзебез аяз, илләребез имин булсын.

Менә тагын җәйләр узды һәм сагынып көтеп алган 1 – сентябрь – Белем бәйрәме килеп җитте. Бу көнне һәрберебез дулкынланып, шатланып каршы ала: беренче тапкыр мәктәпкә баручы да, өлкән сыйныфларда укучы да, әти-әниләр дә. Балаларны да, өлкәннәрне дә шушы көтеп алынган ямьле бәйрәм белән тәбрик итәбез. 

2013 нче елдан Татарстанда республикабыз Президенты Рөстәм Миңнеханов инициативасы белән “Үз мәктәбеңә булыш” дигән акция дәвам итә.Әлеге акция җитәкчеләрне, эшмәкәрләрне һәм теләге булган һәркемне үзләре белем алган мәктәпләргә матди ярдәм күрсәтүгә тартуга юнәлдерелгән. Мәктәбебездә белем алган җитәкчеләрне бу акциядән читтә калмаска чакырабыз.

Бүген, 9 нчы класс укучылары, имтиханнарны уңышлы тапшырып, аттестатлы булдылар. Аларга киләчәккә булган хыялларының тормышка ашуын телибез. 

"Көлегез,көлегез,файдасы күп белегез!"-мәзәкләр сөйләү,сәхнәләштерү."Сау бул лагерь дискотекасы.Мисс һәм Мистер лагеря.