Бүген укучыларыбыз Кукмарада узган  "Туган җир сулышы" дип исемләнгән  республикакүләм фәнни-гамәли конференциядә  катнаштылар. 2нче сыйныф укучысы Гарипова Ранилә( укытучысы Хөснетдинова Г.К) "Әткәм һөнәре" номинациясендә, 3нче сыйныф укучысы  Мөхәммәтгалиева Илүзә (укытучысы Нуриева Н.Г) "Кечкенә дә, төш кенә" номинациясендә, 4нче сыйныф укучысы Якупова Динә(укытучысы Хәсәнова З.Х.) "Авыл тарихын иң яхшы яктыртучы"номинациясендә җиңүче булдылар. 8нче сыйныф укучысы  Гайнетдинова Алинә(укытучысы Ахмадиева Ф.И) "Безнең якташлар" юнәлешендә 3нче урынга лаек булды. Укучыларыбызны һәм укытучыларны уңышлары белән котлыйбыз.

12нче февральдән 17нче февральгә кадәр мәктәптә башлангыч сыйныфлар атналыгы узды. Атналык кысаларында укучылар өчен бик күп кызыклы чаралар узды. 

Мәктәбебезнең 11укучысы яраткан китаплары Әлифба белән саубуллаштылар бүген.Укытучылары Альмира Альбертовна белән бергә укучылар бик теләп хәрефләрдән сүзләр  төзеп укырга  өйрәнделәр. 

Әтнә районы Комыргуҗа урта мәктәбендә уздырылган Ш.Мәрҗани исемендәге фәнни-гамәли конференциядә укучыларыбыз Гайнетдинова Алинә (җитәкчесе Ахмадиева Ф.М.), Мостафина Адилә( җитәкчесе Фазлиева Р.Г), Әхмәдиев  Гадел(җитәкчесе Сабирова Р.Х)  уңышлы чыгыш ясап, сертификат белән бүләкләнделәр. 

15нче февраль- патриот шагыйрь Муса Җәлилнең  туган көне. Шушы уңайдан мәктәбебездә кичә уздырылды. Китапханәче Нурания  Габделбәровна шагыйрьнең тормыш юлы белән таныштырды. Укучылар М.Җәлил шигырьләрен сәнгатьле сөйләү конкурсында катнашып, истәлек бүләкләренә ия булдылар. 

13 февраль көнне Әтнә мәктәбенең актлар залында "Замечательный вожатый" конкурсының район этабы узды.Безнең мәктәпнең 8 нче сыйныф укучысы,активисты,әйдәманы Гайнетдинова Алинә Илдус кызы да бәйгедә көч сынашты.Бәйге бик җанлы узды:әйдәманнар эссе яздылар,үз эшчәнлекләре белән таныштырдылар,тестлар эшләделәр,группалар белән төрле чаралар үткәрделәр.

13 февраль көнне "Ел сыйныф җитәкчесе" конкурсының район туры булып узды.Мәктәбебездән 6 нчы сыйныф җитәкчесе Фазлыева Рәмзия Габделбәр кызы, үз тәҗрибәсен хезмәттәшләре белән уртаклашып,лауреат исемен яулады.Без аны чын күңелдән котлыйбыз!

Бүген мәктәбебездә Фәнис Яруллинны искә алу кичәсе үтте. Китапханәче Нурания Габделбәровна укучыларны Фәнис Яруллинның тормыш юлы, аның язмышы, әсәрләре белән таныштырды. Соңыннан укучылар өчен шагыйрьнең шигырьләрен сәнгатьле сөйләү конкурсы үткәрелде. Җиңүчеләргә истәлекле бүләкләр тапшырылды.

6 февраль көнне 1-3 сыйныфлар арасында  "Ашыт" тыюлыгы вәкилләре белән берлектә  "Мин һәм Кызыл китап" Республикакүләм иҗади кул эшләре конкурсының районара туры үтте. Конкурс кысаларында география укытучысы Сабирова Р.Х. башлангыч сыйныф укучыларына "Татарстанның "Кызыл китабы" битләре буйлап дип исемләнгән сәяхәт-презентация үткәрде.Конкурс нәтиҗәләре буенча Гәйнетдинова Ильнара, Гарипова Ранилә, Сәләхетдинов Раяз,Хисматуллин Альмир, Шарипов Ислам эшләрен жюри югары бәяләде.

Мәктәбебезнең 7,8,9 сыйныф укучылары студентлар белән очрашты. Очрашу күңелле бәйгеләр, җыр-бию, төрле ситуацияләрне сәхнәләштереп күрсәтү белән аралашып барды. Соңыннан студентлар булачак студентларга теләкләрен, укытучыларга рәхмәт сүзләрен җиткерделәр.